ဆက်သွယ်ရေးတာဝါတိုင်များ ဆောက်လုပ်နေခြင်းကို မန်းဒေသခံအချို့ စိုးရိမ်

ဆက်သွယ်ရေးတာဝါ တိုင်များ စိုက်ထူနေသည့် မန္တလေးမြို့တွင်း ရပ်ကွက်အချို့တွင် မြေသားကျွံကျမှုများနှင့် အက်ကွဲ ကြောင်းများ ဖြစ်ပေါ်နေသော ကြောင့် မြို့ခံအချို့စိုးရိမ်ပူပန်နေ ကြောင်း သတင်းရရှိသည်။
ချမ်းမြသာစည်မြို့နယ် (H) ရပ်ကွက်အတွင်း ယခုလမှ စတင်ပြီး ဆက်သွယ်ရေးတာဝါ တိုင်စိုက်ထူရန် မြေတူးဖော်မှု များ ပြုလုပ်နေသည့်အတွက် ယင်းနေရာနှင့် ကပ်လျက်ရှိ နေ အိမ်တွင် အက်ကြောင်းသဏ္ဌာန် ဖြစ်ပေါ်ခြင်း၊ ရေစိမ့်ထွက်ခြင်း များ ဖြစ်ပေါ်လာကြောင်း ၎င်း အိမ်တွင်နေထိုင်သူ အမျိုးသမီး ကပြောသည်။
‘‘ဆောက်နေတဲ့ တိုင်ကြီးနဲ့ ခြံစည်ရိုးပဲခြားတယ်။ ခြံစည်ရိုး ဆိုတာကလည်း လက်တစ်ဝါးပဲ ခြားတော့တာ။ ရေတွေလည်း ထွက်နေပြီ။ မျက်နှာစာမှာလည်း အက်ကြောင်းတွေလိုက်နေပြီ။ အိမ်ကို ထိခိုက်မှာပဲ စိုးရိမ်တယ်။ အခုဟာက တူးရင်းကို ဘေးက မြေတွေက ပြိုပြိုလိုက်လာတာ’’ ဟု ၎င်းအမျိုးသမီးကပြောသည်။
ချမ်းမြသာစည်မြို့နယ်အ တွင်းရှိ ရပ်ကွက်အချို့မှာ ယခင် က လယ်ယာမြေများအား မြို့သစ်တစ်ခုအဖြစ် ပြန်လည်တည် ထောင်ထားခြင်းဖြစ်သောကြောင့် ယခုကဲ့သို့ တာဝါတိုင်တည် ဆောက်မည်ဆိုပါက မြေသားများ၏ အရည်အသွေး၊ ခံနိုင်ရည်ရှိ၊ မရှိကို ဦးစွာ စစ်ဆေးသင့် ကြောင်း၎င်းကပြောသည်။
အောင်မြေသာစံမြို့နယ် ညောင်ကွဲရပ်ရှိ လူနေထူထပ် သည့် ရပ်ကွက်အတွင်း တာဝါတိုင်တည်ဆောက်မှု ပြုလုပ်နေ သောကြောင့် ပတ်ဝန်းကျင် နေ အိမ်များအပေါ် ဆိုးကျိုးတစ်စုံတစ် ရာကျရောက်မည်စိုးရိမ်ပြီး ကန့် ကွက်စာတင်ရန်လည်း စီစဉ်နေ ကြောင်း ယင်းရပ်ကွက်နေသူ ဒေါ်မြင့်မြင့်ရီကပြောသည်။
‘‘တိုင်ခြေမှာ လူနေအိမ်တွေ ကပ်နေတော့ ဆိုးကျိုးဖြစ်မှာဆိုး တာ။ ငလျင်လှုပ်ရင် ပြိုကျမှာ လား။ ရောင်ခြည်တွေ၊ ဓာတ်လှိုင်းတွေက ရေရှည်အန္တရာယ်ရှိမှာ လားစိုးရိမ်တာ။ ဘာသာရေးတွေ၊ လူမှုရေးတွေကြောင့် မဟုတ်ဘူး။ လူနေအိမ်တွေနဲ့ ဝေးတဲ့နေရာမှာ လုပ်စေချင်တာ’’ဟု ၎င်းကထည့် သွင်းပြောသည်။
တာဝါတိုင်တည်ဆောက် မည့် ကုမ္ပဏီအနေဖြင့် မန္တလေး မြို့တွင်းရပ်ကွက်များမှ ခြံဝင်း အချို့အား လစဉ်ကြေးဖြင့် နှစ် ရည် ၁၅ နှစ်စာချုပ်ချုပ်ဆိုကာ တည်ဆောက်နေကြခြင်းဖြစ် ကြောင်း၊ တည်ဆောက်ရေးလုပ် ငန်းစဉ်များကြောင့် ဘေးပတ်ဝန်း ကျင်လူနေအိမ်များအား ထိခိုက် မှု တစ်စုံတစ်ရာရှိပါက အလုံးစုံ တာဝန်ခံကာ ပြန်လည်တည် ဆောက်ပေးသွားမည် ဖြစ်ကြောင်း မြန်မာနိုင်ငံအနှံ့တွင် ဆက်သွယ် ရေးတာဝါတိုင်များ တည်ဆောက် နေသည့် Myanmar Tower Company လက်အောက်ရှိ Equal ကုမ္ပဏီမှတာဝန်ရှိသူ ကိုသန့်စင် လင်းက ပြောသည်။
‘‘တိုင်စိုက်မယ့်နေရာရဲ့ ပတ်ဝန်းကျင်အိမ်တွေဆီက သဘော တူလက်မှတ်ထိုးပြီးမှ လုပ်တာပါ။ အများစိုးရိမ်နေသလို မိုးကြိုးပစ် မှာလည်း မဟုတ်ဘူး။ အပြီးအစီး တည်ဆောက်ပြီးရင် ခြံခတ်ပေး မှာ။ ဘေးပတ်ဝန်းကျင်ချို့ယွင်း ချက်ရှိရင် အကုန်ပြန်လုပ်ပေးမှာ’’ ဟု ၎င်းကထည့်သွင်းပြောသည်။
ယခုတည်ဆောက်နေသော တာဝါတိုင်များအား မြန်မာနိုင်ငံ အတွင်း ဆက်သွယ်ရေးလုပ်ငန်း များ လုပ်ဆောင်ခွင့်ရရှိထားသည့် အူရီးဒူးကုမ္ပဏီနှင့် တယ်လီနော် ကုမ္ပဏီတို့မှ မျှဝေအသုံးပြုရန် တည်ဆောက်နေခြင်းဖြစ်ပြီး မီတာ ၅၀ ခန့်အမြင့်ထိ တည်ဆောက်မည်ဖြစ်ကာ လေတိုက်နှုန်း တစ်နာရီလျှင် ၁၃၀ ကီလိုမှ ၁၆၀ ကီလိုမီတာအထိ ခံနိုင်ရည်ရှိအောင် တည်ဆောက်ထားကြောင်း၊ မန္တလေးတိုင်းဒေသကြီးအတွင်း တာဝါတိုင်ပေါင်းတစ်ရာကျော် တည်ဆောက်သွားမည်ဖြစ်ပြီး မန္တလေးမြို့အနီးတစ်ဝိုက် ဒေသများတွင် တိုင် ပေါင်းလေးဆယ်နီးပါး စိုက်ထူပေးပြီးဖြစ်ကြောင်း ကိုသန့်စင် လင်းကဆိုသည်။