Tuesday, June 10, 2014

ဇုန်ထုတ်ကားများကို ယာဉ်အိုယာဉ်ဟောင်းအဖြစ် ၂ဝ၁၄ခုနှစ်အတွင်း အပ်နှံခွင့် ပြုတော့မည်

နေပြည်တော်၊ မဇ္ဈိမ။ ။ မြန်မာနိုင်ငံရှိ စက်မှုဇုန်များက ထုတ်လုပ်ထားသည့် ဂျစ်ကားများနှင့် လိုက်ထရပ်ကားများကို ယာဉ်အိုယာဉ်ဟောင်းအပ်နှံသည့် ပုံစံအတိုင်း ၂ဝ၁၄ ခုနှစ်အတွင်း လက်ခံသွားမည်ဟု ရထားပို့ဆောင်ရေးဝန်ကြီးဌာန ဒုတိယဝန်ကြီး ဦးချန်မောင်က ဇွန်လ ၁ဝရက်က ပြည်သူ့လွှတ်တော်တွင် ဖြေကြားလိုက်သည်။

"စက်မှုဇုန်များမှ ထုတ်လုပ်ပြီး အရည်အသွေး နိမ့်ကျတဲ့ မော်တော်ယာဉ်များအတွက် ပိုင်ရှင်ရဲ့ဆန္ဒအရ ယာဉ်အိုယာဉ်ဟောင်းအပ်နှံရေးမှာ ထည့်သွင်းဆောင်ရွက် ပေးနိုင်ရေးအတွက် သက်ဆိုင်ရာဌာန အဖွဲ့အစည်းများနှင့် ညှိနှိုင်းလျက်ရှိကြောင်း၊ ၂ဝ၁၄ ခုနှစ်အတွင်း ဖြေရှင်းဆောင်ရွက်ပေးသွားမည် ဖြစ်တယ်” ဒုတိယဝန်ကြီး ဦးချန်မောင်ကပြောသည်။

လက်ရှိ စက်မှုဇုန်ထုတ်ကားများသည် နိုင်ငံခြားမှ ယာဉ်အိုယာဉ်ဟောင်းများ၏ အင်ဂျင်များကို ဖြုတ်ကာ ပြန်လည်အသုံးပြုထားခြင်း ဖြစ်ပြီး သက်တမ်းမှာလည်း ဆယ်နှစ်ခန့် ရှိပြီဖြစ်၍ အရည်အသွေးမမီတော့သဖြင့် နိုင်ငံခြားဖြစ်ကားများဖြင့် လဲလှည်ခွင့်ရရှိရန် ယာဉ်အိုယာဉ်ဟောင်းစနစ်ရှိမရှိ မေးမြန်းခြင်းနှင့် ပတ်သက်ပြီး ဒု-ဝန်ကြီးက ဖြေကြားခဲ့ခြင်းဖြစ်သည်။

ပြည်တွင်းထုတ်လုပ်တဲ့ မော်တော်ယာဉ်တွေကို စက်မှုလက်မှု ဖွံ့ဖြိုးရေးကော်မတီက စံချိန်စံနှုန်းသတ်မှတ်ချက် ခွင့်ပြုချက်များဖြင့် သက်ဆိုင်ရာ တိုင်းနှင့်ပြည်နယ်ရှိ စက်မှုဇုန်များရှိ ကြီးကြပ်ရေးအဖွဲ့များဖြင့် စစ်ဆေးပြီး ထုတ်လုပ်ခဲ့ခြင်းဖြစ်သည်။

Farmar Auto ကားရောင်းဝယ်ရေးကုမ္ပဏီမှ အရာရှိ ဒေါက်တာစိုးထွန်းက "အလွန်ကောင်းပါတယ်။ ဇုန်ထုတ်ကားတွေကို အပ်နှံခွင့်ပေးသွားရင် စလစ်ဈေးတွေလည်း ကျသွားနိုင်တယ်။”ဟု မဇ္ဈိမကိုပြောသည်။

လက်ရှိတွင် စလစ်ဈေးနှုန်းသိန်း ၁၁ဝ ကျပ်ဝန်းကျင်အထိ ဈေးပေါက်လျက်ရှိပြီး ဇုန်ထုတ်ကားများကို အပ်နှံခွင့်ပြုသွားလျှင် စလစ်ဈေးနှုန်း သိန်း ၅ဝ ကျပ်ဝန်းကျင်အထိ ပြန်လည်ကျသွားနိုင်သည်ဟု ဒေါက်တော်စိုးထွန်းခန့်မှန်းပြောဆိုလိုက်သည်။

ပြည်တွင်းထုတ် စက်မှုဇုန်ကားများကို စက်မှုဝန်ကြီးဌာနနှင့် ကုန်လမ်းပို့ဆောင်ရေး ညွှန်ကြားမှု ဦးစီးဌာနများက ပူပေါင်ကာ ယာဉ်များ စစ်ဆေးပြီး မှတ်ပုံတင်များ ထုတ်ပေးလျက်ရှိသည်။ ဇုန်ထုတ်ကားများကို ၂ဝ၁၄ ခုနှစ် မေလကုန်အထိ ဆယ်စုနှစ်ကျော်အတွင်း ယာဉ်စုစုပေါင်း ၉၈ဝ,၃၃၄စီး ထုတ်ပေးပြီးဖြစ်သည်။

အပ်နှံခွင့်ပြုသွားမည့် ယာဉ်အမျိုးအစားအဖြစ် ဂျစ်ကားများ၊ လိုက်ထရပ်ကားများ၊ လူနာတင်ယာဉ်များ၊ ကုန်တင်ယာဉ်များ၊ မီးသတ်ယာဉ်များ၊ ခရီးသည်ယာဉ်များ ဖြစ်ပြီး ထုတ်လုပ်ခွင့်ကိုလည်း ဆက်လက်ပြီး ခွင့်ပြုပေးလျက်ရှိသည်ဟု ဒုတိယဝန်ကြီးကဆိုသည်။

စက်မှုဇုန်ထုတ်ယာဉ်များသည် ၂ဝဝ၁ ခုနှစ်က စတင်ထုက်လုပ်ခဲ့သည့်အတွက် မှတ်ပုံတင်သက်တမ်း ဆယ်နှစ်ကျော်သာရှိသည်။ လက်ရှိယာဉ်အိုယာဉ်ဟောင်းများ ဖျက်သိမ်းရန်အတွက် မှတ်ပုံတင် သတ်တမ်း နှစ်နှစ်ဆယ်မှ နှစ်လေးဆယ်အထိ ရှိသော ယာဉ်များကို ခွင့်ပြုပေးလျက်ရှိသည်။

မောင်သင်တုန်း

ကျောင်းရှိ ဆရာတော်များကို ရွှေစင်စင်္ကြာ ကားနှင့် ပင့်ဆောင်သွား

ရန်ကုန်မြို့ တာမွေမြို့နယ်ရှိ မဟာသန္တိသုခကျောင်းတိုက်ရှိ သံဃာတော်များအား ရဲများက အမည်မသိအရပ်သို့ ဇွန်လ ၁၁ရက် နံနက် ၁နာရီဝန်းကျင်ခန့်က ခေါ်ဆောင်သွားစဉ်။ (ဓာတ်ပုံ - ဟိန်းထက်) Mizzima - News in Burmese

မဟာသန္တိသုခကျောင်းတိုက်အတွင်းမှ ဆရာတော် ၁၀ပါးခန့်ကို ရွှေစင်စင်္ကြာ မှန်လုံကားကြီးဖြင့် ပင့်ဆောင်သွားပြီး ကားအတွင်းရှိ ဆရာတော်များကမူ အပြင်ကို ထွက်ရန် အကူညီတောင်းသည့်ဟန် ကားမှန်တခါးများကို ထုရိုက်နေသည်ကို တွေ့ရသည်။

ယင်းဆရာတော်များကို တိုင်းသာသနာရေး ဦးစီးအဖွဲ့က ပင့်ဆောင်သွားခြင်းဖြစ်ပြီး မည်သည့်နေရာသို့ ခေါ်ဆောင်သွားသည်ကိုမူ မသိရှိဟု ကျောင်းတိုက်မှ ကပ္ပိယက မဇ္ဈိမကို ပြောသည်။

ယင်းအခြေအနေသည် ကျောင်းတိုက်ကို ဝင်စီးသည့် အခြေအနေဟု ပြောလို့ရသည်ဟု ထိုနေရာတွင် ရောက်ရှိနေသည့် မဇ္ဈိမသတင်းထောက်နှင့် အယ်ဒီတာများက ဆိုသည်။

လက်ရှိအချိန်တွင် ကျောင်းတိုက်အတွင်း၌ ရဲကားများနှင့် ရဲများရှိနေပြီး ကျောင်းပတ်ချာလည်တွင်လည်း ရဲကားများ၊ ရဲများ အပြည့် ဝန်းရံထားသည်။

ဆရာတော်များကို ပင့်ဆောင်မသွားမီ အခြားဆရာတော်များ ကျောင်းတိုက်သို့ ရောက်လာသည်ကို တွေ့ရသည်။ သို့သော် မေးမြန်းခွင့် မရပေ။

လက်ရှိတွင် မဟာသန္တိသုခကျောင်းတိုက်၏ ကျောင်းထိုင်ဆရာတော် ပီနန်ဆရာတော်ကြီးမှာ ဇွန်လ ၅ရက်မှ စကာ ဂျပန်နိုင်ငံသို့ သာသနာပြုခရီး သွားနေသည့် အချိန်ဖြစ်သည်။

မဇ္ဈိမသတင်းဌာန
Mizzima - News in Burmese

ယူကရိန်းနိုင်ငံက သံချပ်ကာကား မြန်မာပြည်တွင်းမှာ တပ်ဆင်ထုတ်လုပ်

ယူကရိန်းနိုင်ငံက ထုတ်လုပ်တဲ့ ကမ္ဘာကျော် BTR-3U အမျိုးအစား သံချပ်ကာကားတွေကို မြန်မာနိုင်ငံမှာ အခုအခါ တပ်ဆင်ထုတ်လုပ်နေပြီလို့ နိုင်ငံတကာ ကာကွယ်ရေးကဏ္ဍ သတင်းတွေတင်ပြတဲ့ Army Recognition အင်တာနက်စာမျက်နှာက ရေးသားဖေါ်ပြထားပါတယ်။

အဲဒီ သံချပ်ကာကားတွေဟာ တပ်စိတ်တစ်စိတ်လောက်ကို တစ်နေရာကတစ်နေရာ လုံလုံခြုံခြုံ သယ်ဆောင်သွားနိုင်တဲ့ ခြေလျင်တင်တိုက်ခိုက်ရေးယာဉ် အမျိုးအစားဖြစ်ပြီး စက်ကလေးသေနတ်တွေ တပ်ဆင်ထားပါတယ်။

မြန်မာ့တပ်မတော်က ပြီးခဲ့တဲ့ ၁၀ နှစ်ကာလမှာ အဲဒီ BTR-3U သံချပ်ကာကားမျိုး ၁၀ စီးကို ဝယ်ယူ အသုံးပြုခဲ့ပြီး၊ အခုနောက်ပိုင်းမှာ ပြည်ပက အစိတ်အပိုင်းတွေမှာယူပြီး ပြည်တွင်းမှာတင် တပ်ဆင်ထုတ်လုပ်လာတာ ဖြစ်ပါတယ်။

တပ်မတော်အနေနဲ့ စက်သေနတ်ကြီးတွေ ဒုံးကျည်လက်နက်တွေ တပ်ဆင်ထားတဲ့ MAV အမျိုးအစား သံချပ်ကာယာဉ်အမျိုးမျိုးကိုလည်း ကာကွယ်ရေးဝန်ကြီးဌာနပိုင်စက်ရုံတွေမှာ ထုတ်လုပ်နေတယ်လို့ သိရပါတယ်။

RFA Burmese

သားအမိနှစ်ဦးကို ကားဖြင့် တိုက်ထွက်ပြေးသူကို ၀ိုင်းဝန်း ဖမ်းဆီး

၉.၆.၂၀၁၄ ရက်နေ့ည ၉နာရီ၃၅မိနစ် ၀န်းကျင်ခန့်က မန္တလေး မြို့ ၆၂လမ်းနှင့်သိပ္ပံလမ်း မီးပွိုင့်အနီးတွင် မြောက်မှတောင်သို့ သားအမိနှစ်ဦး စီးနင်းလာသော ဆိုင်ကယ်အား ဖိုးဝှီးအမျိုးစား ကားတစ်စီးမှ နောက်မှ ၀င်တိုက်ခဲ့ရာ ဆိုင်ကယ်နောက်မှ ထိုင်လိုက်လာသူ ၇တန်းကျောင်းသူလေးမှာ နေရာတွင်ပွဲချင်းပြီး သေဆုံးခဲ့ပြီး ဆိုင်ကယ်မောင်းနှင်သူ မိခင်မှာလဲ ဒဏ်ရာပြင်းထန်စွာ ရရှိခဲ့ကြောင်း သတင်းရရှိပါသည် ။

ဖိုးဝှီးမောင်းနှင်သူမှာ အခင်းဖြစ်ချိန်က ကားအား ရပ်တန့်ပေးခြင်းမရှိပဲ အရှိန်ပြင်းစွာဖြင့် ဆက်လက်မောင်းနှင်ထွက်ပြေးသွားရာ ၄င်းကားနောက်သို့ အခင်းဖြစ်ပွားရာ ပတ်ဝန်းကျင်ရှိ လူများ ၀ိုင်းလိုက်ခဲ့ရာ ၆၂လမ်းအရိုးဆေးရုံအနီးတွင် ဆရာဝန်တစ်ဦးမောင်းနှင် လာသောကားမှ အရှေ့မှ ကန့်လန့်ခံပိတ်ပေးလိုက်ရာ မှ အဆိုပါကန့်လန့်ခံ ပိတ်သောကားအား ဆက်လက်တိုက်မိပြီးလမ်းဘေးသို့ဘေးစောင်းလဲသွားခဲ့သည် ....။

တာဝန်ရှိသူများ အချိန်မှီရောက်ရှိလာပြီး တိမ်းမှောက်သွားသောကားအား ကရိန်းဖြင့် ဖယ်ရှားရန်ကြိုးစားနေစဉ် စာနာမှု့ကင်းမဲ့စွာ မောင်းနှင်ထွက်ပြေးသော ယာဉ်မောင်းအပေါ် ပတ်ဝန်းကျင်ရှိလူအုပ်ကြီးမှ ဒေါသထွက်ရှိပြီး တိုက်ပြေးသောကားအား ခဲများဖြင့် ပစ်ပေါက်ခဲ့သည် ။

အဆိုပါခဲများဖြင့် ၀ိုင်းပစ်ပေါက်မှုကြောင့် ဖိုးဝှီးကားရှေ့မှန်နှင့်ဘေးတံခါးမှန်များ ကွဲသွားခဲ့ပြီး အဆိုပါကားအား လာရောက်သယ်ဆောင်သော ကရိန်းကားဘေးမှန် နှင့် ၇ဲအချုပ်ကားတစ်စီး ရှေ့မှန်တို့ခဲမှန်ကွဲကြေသွားခဲ့သည် ။

တာဝန်ရှိသူများမှ ဒေါသထွက်နေသော လူအုပ်ကြီးအား တရားခံအား ထိထိရောက်ရောက်အရေးယူသွားမည်ဖြစ်ကြောင်း ရှင်းပြခဲ့ပြီး ခဲများဖြင့် မပစ်ပေါက်ရန် မေတ္တာ ရပ်ခံကာ တိုက်ပြီးထွက်ပြေးသောကားအား ကရိန်းဖြင့် မသယ်ဆောင်သွားခဲ့ကြောင်း ကြားသိရပါသည် ။

မဟာသန္တိသုခဘုန်းကြီးကျောင်း အကြမ်းဖက်ပြောင်းရွှေ့ခံရ

ရန်ကုန်မြို့၊ တာမွေ နတ်ချောင်းက မဟာသန္တိသုခကျောင်းတော်ကြီးမှာ သီတင်းသုံးနေတဲ့ သံဃာတော်တွေကို တိုင်းသာသနာရေး ဦးစီးအဖွဲ့ကကမ္ဘာအေး သုံးထပ်ဆောင်သို့ ညသန်းခေါင်အချိန်မှာ ခေါ်ဆောင်သွားပါတယ်။

ဒါ့အပြင် ဒကာအချို့ကိုတော့ တာမွေရဲစခန်းမှာ ထိန်းသိမ်းထားတယ်လို့စုံစမ်းသိရှိရတယ်။

လက်ရှိအချိန်မှာတော့ မဟာသန္တိသုခကျောင်းတိုက်ရဲ့ ကျောင်းထိုင်ဆရာတော် ပီနန်ဆရာတော်ကြီးဟာ ဇွန်လ ၅ရက်ကစတင်ပြီး ဂျပန်နိုင်ငံကို သာသနာပြုခရီး သွားနေတဲ့ အချိန်လဲဖြစ်နေပါတယ်။

သတင်းဓာတ်ပုံ - ကျော်ဇေယျာဝင်း

DVB TV News

မန္တလေးနန်းတွင်းကို ဘယ်သူပိုင်သလဲ

မြန်မာဘုရင် နောက်ဆုံးစိုးစံခဲ့တဲ့ မန္တလေးနန်းမြို့တွင်းကို အသက် (၂၀) ၀န်းကျင်ရှိ မန္တလေးမြို့ခံ လူငယ်အများစု မရောက်ဖူးဘူးလို့ ပြောလာရင် စာဖတ်သူတို့မအံ့သြပါနှင့်။ အသက်(၂၀)ကျော်နှင့် (၄၀)ကြား လူလတ်ပိုင်း အများစုသည်ပင်လျှင် နှစ်ပေါင်း၁၅၀ ကျော် သက်တမ်းရှိ နန်းမြို့တွင်းကို မရောက်ဖူးကြတော့ပေ။
နန်းတွင်းအပြင်ဘက်ကသာ နီစွေးစွေး အုတ်မြို့ရိုးကို ဖြတ်သွားဖြတ်လာ မြင်ဖူးကြပါသည်။ လူငယ်အချို့ကို တစ်မိုင်ခွဲခန့် အကျယ်ရှိ နန်းတွင်းထဲတွင် ဘာရှိသလဲဟု မေးခွန်းထုတ်ကြည့်သောအခါ စစ်တပ်တွေရှိသည်ဟု ဖြေကြသည်။

မြို့ခံလူငယ်အများစုသည် နန်းတွင်းထဲတွင် မြန်မာဘုရင်နှစ်ပါး နန်းစံခဲ့သည့် မြနန်းစံကျော်ရွှေ နန်းတော် အပါအ၀င် ကုန်း ဘောင်ခေတ် မြန်မာ့ယဉ်ကျေးမှု လက်ရာအဆောက်အအုံများ၊ ဇာတိသွေး ဇာတိမာန်တက်ကြွ စေမည့် အငွေ့အသက်များ ထုံ မွမ်းနေသည့် နေရာများရှိနေသည် ကို မသိရှိကြတော့ပြီ ။ မရောက်ဖူးကြခြင်းသည် မသွားရောက် ကြခြင်းကြောင့် မဟုတ်ပါ။ နန်းတွင်းထဲတွင် အခိုင်အမာ တပ်စွဲ ထားသော စစ်တပ်က အတွင်း သို့ဝင်ရောက်လာကြကုန်သော အများပြည်သူကို လုံခြုံရေး အကြောင်းပြပြီး အလွယ်တကူ ၀င်ခွင့်မပေးသောကြောင့် ဖြစ်သည်။ သမိုင်းဝင် ရှေးဟောင်း နန်းတွင်း၏ လုံခြုံရေးတော့ မဟုတ်တန် ကောင်းချေ။

အမှန်တကယ်တော့ နန်းတွင်းထဲတွင် စစ်တပ်တပ်စွဲထားခြင်းသည် ယခုမှမဟုတ်ပါ။ မန္တလေးရတနာပုံ နေပြည်တော် နယ်ချဲ့လက်အောက်ရောက်ရှိခဲ့သည့် လွန်ခဲ့သည့် နှစ်ပေါင်းတစ်ရာကျော်ကတည်းက အင်္ဂလိပ်စစ်တပ်များ မြို့နေလူထု လုံခြုံရေးထက် သူတို့လုံခြုံရေးကို ကာကွယ်သည့်အနေဖြင့် တပ်စွဲ နေရာယူခဲ့သည်။ ထိုအချိန်ကစပြီး လွတ်လပ်ရေးရပြီးခေတ်၊ မြန်မာ့ဆိုရှယ်လစ် လမ်းစဉ်ပါတီခေတ်၊ န၀တ၊ နအဖ ခေတ်မှသည် ၂၀၁၀ ပြည့်နှစ်နောက်ပိုင်း ယနေ့အချိန်ထိ အုပ်ချုပ်သူ အစိုးရ အမျိုးမျိုးပြောင်းလဲသွားသော်လည်း စစ်တပ်တပ်စွဲထားခြင်းကတော့ ပြောင်းလဲမသွားခဲ့ပေ။ ထို့ကြောင့် မင်းနေပြည်တော်ဖြစ်ခဲ့ဖူးသည့် နန်းမြို့တွင်းသည် အများပြည်သူပိုင်သည့် နေရာမဟုတ်ဘဲ စစ်တပ်ပိုင်သည့် နေရာဟု ပြောရပေတော့မည်။

မြနန်းစံကျော် ရွှေနန်းတော် တည်ရှိရာ နန်းတွင်းထဲကို ၀င်ရောက်နိုင်သည့် အဓိက၀င်ပေါက် လေးခုရှိသည်။ နန်းမြို့ရိုး၏အရှေ့၊ အနောက်၊ တောင်၊ မြောက်တို့ရှိ ၀င်ပေါက်တို့ဖြစ်သည်။ အနှီဝင်ပေါက်လေးခု ရှိသော်လည်း နန်းတွင်းသို့ ၀င် ရောက်လေ့လာလိုပါက အများ ပြည်သူအတွက် အရှေ့ဝင်ပေါက် တစ်ခုတည်းကသာ ၀င်ရောက်ရန် ခွင့်ပြုထားသည်။ ကျန်သုံးပေါက်ကနေ ၀င်ရောက်ခွင့်မပြုပေ။

ခွင့်ပြုပေးထားသည့် အ ပေါက်သည်လည်း လွတ်လွတ် လပ်လပ် ၀င်ခွင့်ထွက်ခွင့်ရသည် တော့မဟုတ်ပါ။ ၀င်ခွင့်ရရန် မှတ် ပုံတင် (သို့မဟုတ်)ယာဉ်မောင်း လိုင်စင်ကတ်ပြား တစ်ခုခုတော့ လို အပ်ပါသည်။ ပါလာသည့် ကတ် ပြားကို ၀င်ပေါက်က အစောင့်တဲ ၌ ပြသထားရစ်ခဲ့ကာ မှတ်ပုံတင် ရသည်။ ဘယ်သွားမည်၊ ဘယ်သူ့ ဆီသွားမည် စသည်တွေကို အ စောင့်စစ်သားအား ဖြေဆိုရသေး သည်။ နန်းတော်တွင်းသို့ ဆိုင် ကယ်၊ စက်ဘီးဖြင့် စီးနင်းဝင် ရောက်ခွင့်မပြု။ ဆိုင်ကယ်၊ စက်ဘီးစီးသူ ပြည်သူအားလုံး အ၀င် ပေါက်တွင် ဆင်းတွန်းကြရပြီး သတ်မှတ်နေရာ ရောက်မှသာ စီးနင်းခွင့်ပြုပါသည်။ ကတ်ပြား တစ်ခုခု မပါရှိပါက နန်းတွင်းသို့ ၀င်ခွင့်ရရန် မလွယ်ဘဲ လာရာ လမ်းသို့သာ ပြန်ရပေမည်။

မန္တလေးသူ၊ မန္တလေးသား တို့ အပါအ၀င် မန္တလေးသို့လာ ရောက်ကြကုန်သူတို့သည် ၀င် ထွက်ခွင့် အတားအဆီး အချို့ ကြောင့် စစ်တိုင်းမှူးအဆက်ဆက် စံမြန်းရာ နန်းတွင်းသို့ မ၀င် ရောက်ဖြစ်ကြတော့ပေ။ ထိုသို့ ဖြင့်ခံ့ခံ့ညားညား ၀ံ့ဝံ့စားစား တည်ရှိနေသော နန်းတော်တွင်းသည် အများပြည်သူ အထူးသဖြင့် ယနေ့ခေတ်လူငယ်အများစုနှင့် အလှမ်းဝေးကွာ လာလေတော့ သည်။

စစ်အစိုးရ ဘုန်းမီးနေလ တောက်ပသည့် ကာလလွန်မြောက် ပြီး နောက်ပိုင်း လက်ရှိအစိုးရ လက်ထက်အစပိုင်းတွင် နန်းမြို့ တွင်းသို့ အလွယ်တကူ ၀င်ရောက် လေ့လာခွင့်ရကြတော့မည်ဟု မန္တလေးမြို့ခံတွေ မျှော်လင့်ခဲ့ကြ သေးသည်။ အရပ်သားအစိုးရဟု ဆိုသောကြောင့် အထက်ပါအ တိုင်း မျှော်လင့်ခဲ့ကြခြင်းဖြစ်ပါ သည်။ သို့သော် အချည်းနှီးဖြစ်ခဲ့ သည်။ စစ်တပ်က တပ်စွဲမြဲစွဲဆဲ၊ ၀င်ထွက်ရခက်ဆဲပင် ဖြစ်သည်။

၂၀၁၃ ခုနှစ်အတွင်း မျှော် လင့်ချက်ရောင်ခြည် ထပ်မံထွက် ပေါ်လာပြန်သည်။ ပြည်ထောင်စု အစိုးရက စီမံခန့်ခွဲသော နန်းတွင်း ကို မန္တလေးတိုင်း အစိုးရအဖွဲ့၏ စီမံခန့်ခွဲမှုအောက်သို့ လွှဲပြောင်း ပေးခဲ့သည်။ နန်းတွင်းရှိ ရွှေနန်း တော်တစ်ဝိုက်ကို ရှေးဟောင်း ယဉ်ကျေးမှုဇုန်အဖြစ် အကောင် အထည်ဖော်မည်။ အများပြည်သူဝင်ရောက်လေ့လာခွင့်ရရန်၊ ကမ္ဘာလှည့်ခရီးသည်များ ဆွဲဆောင်စရာ နေရာဖြစ်လာရန်၊ ပြုလုပ်မည်ဟု မီဒီယာများတွင် ဖော်ပြခဲ့သည်ကို တွေ့ရပြန်သည်။ သို့သော် ရက်တွေ၊ လတွေသာ ကုန်ဆုံးလာခဲ့သော်လည်း နန်းတော်တွင်းသို့ လွတ်လပ်စွာ ၀င်ထွက်ခွင့်ကား ယခုအချိန်ထိ မရရှိသေးပေ။

ယနေ့ခေတ် လူငယ်၊ လူရွယ်များ သမိုင်းကို စိတ်ဝင်တစား လေ့ လာခွင့်ရရန်၊ ယဉ်ကျေးမှုအမွေ နှစ်များကို သိရှိတန်ဖိုးထားရန်၊ ရှေးဟောင်းဇုန်အဖြစ် သတ်မှတ် ပြီး ကမ္ဘာလှည့်ခရီးသွားများကို ဆွဲ ဆောင်ရန်အတွက် မန္တလေးတိုင်း အစိုးရအဖွဲ့အနေဖြင့် အမြန်ဆုံးအကောင်အထည်ဖော် ဖန်တီးသင့်နေပြီ ဖြစ်သည်။

နန်းတော်တွင်းရှိ စစ်တပ် သည်လည်း ခေတ်တွေပြောင်းလဲ လာပြီဖြစ်သောကြောင့် မြို့လယ် ကောင်မှာ အခံ့သား နေရာမယူ သင့်တော့ပေ။ ယခုလို နေရာယူ ထားခြင်းသည် မြို့လူထုက စစ် တပ်ကို လုံခြုံအောင် အကာအကွယ်ပေးထားသလိုဖြစ်နေသည်။ အမှန်တကယ်ကား စစ်တပ်က မြို့လူထုကို လုံခြုံအောင် အကာအကွယ်ပေးရမည် ဖြစ်သည်။ မြို့လူထုသည် စစ်တပ်ကို လုံခြုံ အောင် အကာအကွယ်ပေးထား ခဲ့သည်မှာ နှစ်ပေါင်းများစွာ ကြာ မြင့်ခဲ့ပြီ ဖြစ်သည်။ ယနေ့ခေတ် အခြေအနေအရ မန္တလေးမြို့ခံ ပြည်သူတို့ လုံခြုံစိတ်ချစွာ နေ ထိုင်စားသောက်ရန် မြို့ပြင် မဟာဗျူဟာကျသည့်နေရာတွင် တပ်စွဲ ကာ စောင့်ရှောက်ဖို့ အချိန်တန် ပြီ ဖြစ်သည်။

လက်ရှိ တိုင်းဒေသကြီး အစိုးရသက်တမ်းသည် တစ်နှစ်ကျော်သာ ကျန်တော့သည်။ လက်ကျန်ကာလအတွင်း အများပြည်သူတို့ နန်းတော်တွင်း အလွယ်တကူ ၀င်ထွက်ခွင့်ရရှိရန် အမြန်ဆုံးဆောင်ရွက်ဖို့လိုပြီဖြစ်သည်။ ထိုသို့ဆောင်ရွက်ခြင်းဖြင့် မန္တလေးတိုင်းအစိုးရနှင့် စစ်တပ်သည် မြို့မေတ္တာခံယူခွင့်ရပေမည်။ ထိုသို့ မဟုတ်လျှင်ဖြင့် ...။

Author: မောင်ဥာဏ

7DAY DAILY

ဖားကန့်မြို့ရှိ ကျောက်တွင်းလုပ်ကွက်တစ်ခုအား တွေ့ရစဉ်။ ဓာတ်ပုံ-မင်းထက်စံ

ဖားကန့် ရှိ တစ်နိုင်တစ်ပိုင် ရေမဆေးကျောက်စိမ်း ရှာသူအားလုံး နေရပ်ပြန်ရမည်

ရန်ကုန်၊ ဇွန် ၉- ကချင်ပြည်နယ် ဖားကန့် မြို့ ကျောက်လုပ်ကွက်များ မှ ရေမဆေးကျောက်ရှာသူများ (တစ် နိုင်တစ်ပိုင်ကျောက် စိမ်းရှာဖွေသူ)အား ဇွန် ၁၂ရက်နောက်ဆုံးထား၍ ကျောက် မျက် တူး ဖော်ရေးလုပ်ကွက်အတွင်း မှဖယ်ရှားကာ နေ ရပ်ပြန်ရ မည်ဖြစ် ကြောင်း ဖားကန့် မြို့နယ်အတွင်း တရားဝင်သတင်းထုတ်ပြန်လိုက် သည်။

ထိုသို့ထုတ်ပြန်လိုက်ခြင်း ကို ဖားကန့် မြို့နယ်အတွင်းရှိ တပ်မတော်၊ အုပ်ချုပ်ရေးမှူးရုံး၊ ရဲတပ်ဖွဲ့များ၊ လူ ဝင်မှုကြီးကြပ်ရေးမှူးများ စသည့် အဖွဲ့ အစည်းများပါဝင်သည့် အစည်းအဝေး ဆုံးဖြတ် ချက် အပြီးတွင် ထိုသို့ထုတ် ပြန်လိုက်ခြင်းဖြစ်ကြောင်း သိရသည်။ လက်ရှိအနေအထားအရ တစ် နိုင်တစ်ပိုင် ကျောက်စိမ်းရှာဖွေသူများ သည် ကျောက်မျက်တူးဖော်ရေး ကုမ္ပ ဏီများ ၏ လုပ်ကွက်များ အတွင်း ကျူး ကျော်တဲများဆောက်ကာ ကျောက် စိမ်းတူး ဖော်နေကြ ခြင်းဖြစ်သည်။

ဖားကန့် ဒေသတွင်းရှိ ရေမဆေး ကျောက်ရှာသူများအား နေရပ်ပြန် ရန်ပြောဆိုထားမှုသည် ယခုရက်ပိုင်း တွင် ပညာပေးကာလ သတ်မှတ်ထား သော်လည်း နောက်ပိုင်းတွင် ပုဒ်မ -၁၄၄ ထုတ် ပြန် သွားမည်ဖြစ်သည်။

မိုးညှင်းမြို့နယ် ပြည်သူ့လွှတ် တော်ကိုယ်စားလှယ် ဦးကျော်စိုးလေးက ''အခုလိုလုပ်ဆောင်တာ ဥပဒေကြောင်းအရ ကောင်း မွန်ပါတယ်။ ဒါပေမဲ့ စနစ်တကျကိုင်တွယ်ဖို့ အရေး ကြီးပါ တယ်။ ဒီလိုမဟုတ် ရင် ရေမဆေး ကျောက်ရှာသူတွေ အုပ်စုဖွဲ့ပြီး လု ယက်တာတွေ၊ ဥပဒေမဲ့လုပ်တာတွေ ဖြစ်လာနိုင်တယ်'' ဟု မှတ်ချက်ပေး ပြောဆိုသည်။

ထိုသို့အုပ်စုဖွဲ့လုယက်ခြင်းများ မဖြစ်ပေါ်စေရန် အတွက်ကိုလည်း တပ်မတော်နှင့် ရဲတပ်ဖွဲ့ပူးပေါင်းကာ မိုဘိုင်းကင်းလှည့် အဖွဲ့ဖြင့် ဆောင်ရွက် ပေးသွားမည်ဖြစ်ကြောင်းကိုလည်း အစည်းအဝေး တွင် ဆုံးဖြတ်ခဲ့ ကြောင်း ယင်းအစည်းအဝေး တက်ရောက်သူ များထံမှ သိရသည်။

ယင်းသို့ အမိန့်ထုတ်ပြန်ခြင်း သည် ဇွန် ၅ ရက်က ပြုလုပ်သည့် အမျိုး သားလွှတ်တော်အစည်းအဝေးတွင် မကွေးတိုင်းဒေသကြီး မဲဆန္ဒနယ်မှ အ မျိုးသားလွှတ်တော်ကိုယ်စားလှယ် ဦး လှဆွေ ၏ ဖားကန့်တွင် တရားမဝင် ကျောက်တူးဖော်ရေးကိစ္စနှင့် ပတ်သက် ပြီးမေးမြန်းသည့် ကြယ်ပွင့်ပြမေးခွန်း နှင့်ပတ်သက်နိုင်သည်ဟုလည်း ဒေ သခံများက ထင်မြင်ချက်ပေးပြော ဆို နေကြသည်။

ဖားကန့် မြို့ ဒေသခံ တစ်ဦးဖြစ် သော ဦးအောင်ထွန်းဦးက ''လွှတ် တော်ကိုယ်စားလှယ်ဦးလှဆွေ အမျိုး သားလွှတ်တော် မှာ မေးပြီးတဲ့နောက် စစ်တပ်၊ ရဲ၊ ရယကနဲ့ ရပ်မိရပ်ဖတွေ အစည်း အဝေးခေါ်ပြီး အဖွဲ့တစ်ဖွဲ့ဖွဲ့ လိုက်တယ်။ အဲဒီအဖွဲ့က တစ်နိုင်တစ် ပိုင်လုပ်စားတဲ့ ရေမဆေးသမားတွေ ကို ဒီ ၁၂ရက်နောက်ဆုံးထားပြီး ဖယ် ပေးဖို့ လုပ်ကွက်တွေမှာ စာလိုက်ကပ် တော့တာပဲ''ဟုပြောသည်။

ဇွန် ရရက်က ဖားကန့် မြို့နယ် အတွင်းရှိ လုံးခင်း၊ ဆိုင်းတောင်၊ က ရင်ချောင်နှင့် ဆိပ်မူစသော မှော်လုပ် ကွက်တို့တွင် အထက်ပါကဲ့သို့ နေ ရပ်ပြန်ရန် သတိပေးဆိုင်းဘုတ်များ လိုက်လံ ကပ် နေကြောင်း သိရသည်။

ကိုးရက်အတွင်း သုံးကြိမ်မြောက်ငလျင် တာချီလိတ်အနီး လှုပ်ခတ်

မြန်မာပြည်တွင်းကို ဗဟိုပြု၍ ကိုးရက်အတွင်း သုံးကြိမ်မြောက် ငလျင်လှုပ်ရှားမှုအဖြစ် တာချီလိတ်မြို့အနီးတွင် အင်အားရစ်ခ်ျတာစကေး ၄ ဒသမ ၅ အ ဆင့်ရှိ ငလျင်တစ်ခု ဇွန်လ ၉ ရက် ညက လှုပ်သွားကြောင်း မိုး/ဇလ ဌာန မြေငလျင်ဌာနခွဲမှ သတင်းရရှိသည်။
ဇွန်လ ၉ ရက် ည ၇ နာရီ ၃၁ မိနစ်က လှုပ်ရှားခဲ့ခြင်းဖြစ်ပြီး ငလျင်လှုပ်သည်ကို တာချီလိတ်၊ မိုင်းဖြတ်နှင့် တာလေမြို့များပါ ခံစားလိုက်ရသော်လည်း ထိခိုက်ပျက်စီးမှု မရှိခဲ့ကြောင်း သက်ဆိုင်ရာ မြို့နယ်ထွေ/အုပ်ရုံးများမှ သတင်း ရရှိသည်။
‘‘ဆယ်စက္ကန့်လောက်တော့ ကြာမယ်ထင်တယ်။ နှစ်ချက်ဆင့်လှုပ်သွားတာ။ ပထမတစ်ချက်က ဖြည်းဖြည်းလေး။ နောက်တစ်ချက်က ပြင်းတယ်’’ဟု တာချီလိတ် မူးယစ်ရဲတပ်ဖွဲ့မှ ဒုရဲအုပ် အောင်ကျော်စိုးက ပြောကြားသည်။
ငလျင်ကြောင့် နေအိမ်များ သိသိသာသာ လှုပ်ယမ်းသွားခဲ့ပြီး နောက်တစ်ကြိမ်လှုပ်မည်ကို ဒေသခံများ စိုးရိမ်နေကြကြောင်း ၂၀၁၁ ခုနှစ် မတ်လ ၂၄ ရက်က ပြင်းအား ရစ်ခ်ျတာစကေး ၇ အ ဆင့်ဖြင့် ငလျင်ဒဏ်ခံခဲ့ရဖူးသည့် တာလေမြို့မှ ကိုစိုင်းလင်းက ပြောသည်။
မိုး/ဇလဌာန မြေငလျင်ဌာနခွဲက မန္တလေးမြေငလျင်စခန်းမှ အရှေ့တောင်ဘက် မိုင်(၂၆၀)ခန့်အကွာ တာချီလိတ်မြို့၏ မြောက်-အနောက်မြောက်ဘက် ၅ မိုင်ခန့်ကို ဗဟိုပြု၍ အင်အားရစ်ခ်ျတာစကေး ၄ ဒသမ ၅ အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း သတင်းထုတ်ပြန်ခဲ့သည်။
ဇွန်လ ၁ ရက်မှ ၉ ရက်အထိ မြန်မာပြည်တွင်းကို ဗဟိုပြု၍ ငလျင်သုံးကြိမ်အထိ လှုပ်ခဲ့ပြီးဖြစ်ကာ ဇွန်လ ၁ ရက်က တွံတေးမြို့ အနီး ပြင်းအားရစ်ခ်ျတာစကေး ၄ ဒသမ ၇ ဖြင့် လှုပ်ခဲ့သည်။ ဇွန်လ ၈ ရက်တွင် နေပြည်တော် လယ်ဝေးမြို့အနီး ရစ်ခ်ျတာစကေး ၃ ဒသမ ၃ အဆင့်ဖြင့် လှုပ်ခဲ့ခြင်း ဖြစ်သည်။
လယ်ဝေးမြို့အနီး လှုပ်ခဲ့သည့် ငလျင်ကို အမေရိကန် ဘူမိဗေဒလေ့လာရေးဌာန (USGS) က ရစ်ခ်ျတာစကေး ၄ ဒသမ ၆ အဆင့် ရှိကြောင်း သတင်းထုတ်ပြန်ခဲ့သည်။
ယခုရက်ပိုင်းအတွင်း မြန်မာ ပြည်တွင်းသာမက နယ်စပ်ဒေသများတွင်ပါ ငလျင်မကြာခဏလှုပ်နေ၍ သတိပြုရန် လိုအပ်နေကြောင်း ဘူမိဗေဒနှင့် ငလျင်ပညာရှင်များက သတိပေးထားသည်။

အောင်စာရင်းကြည့်နေသူများကို တွေ့ရစဉ်(ဓာတ်ပုံ − မရန်)

ကချင်ပြည်နယ် မြို့နယ်နှစ်ခုတွင် တက္ကသိုလ်ဝင်တန်းအောင်သူ တစ်ဦးမျှ မရှိ

၂၀၁၃-၁၄ ပညာသင်နှစ်တွင် ကချင်ပြည်နယ်မှ ခေါင်လန်ဖူးမြို့နယ်နှင့် ဆော့လော်မြို့နယ်မှ တက္ကသိုလ်ဝင်တန်းအောင်မြင်သူမရှိသဖြင့် ထို မြို့နယ်နှစ်ခုတွင် အောင်ချက်ရာခိုင်နှုန်းမရှိကြောင်း ကချင်ပြည်နယ် ပညာရေးမှူးရုံးမှ သတင်းရရှိသည်။
‘‘အဓိကက ဒေသခက်ခဲလို့ ဖြစ်တာပါ။ ဒီဒေသတွေက နှစ်တိုင်းလိုလို ဘဲဥမကွဲကြဘူး’’ဟု ကချင်ပြည်နယ် ပညာရေးမှူးရုံးမှ ဒုညွှန်မှူးကဆိုသည်။
၂၀၁၃-၁၄ ပညာသင်နှစ်တွင် တက္ကသိုလ်ဝင်တန်းဖြေဆိုသူ ခေါင်လန်ဖူးမြို့နယ်တွင် ကျောင်းသား ၄၄ ဦး၊ ဆော့လော် မြို့နယ်တွင် ကျောင်းသား ၁၀ ဦး ဖြေဆိုခဲ့ကြပြီး အောင်မြင်သူတစ်ဦးမှမရှိခြင်းဖြစ်သည်။
ကချင်ပြည်နယ်တွင် ပြည်နယ်တစ်ခုလုံးအတိုင်းအတာဖြင့် အောင်ချက်ရာခိုင်နှုန်း ၂၈ ဒသမ ၅၁ ရှိခဲ့ပြီး ယမန်နှစ်ထက် ၁၅ ဒသမ ၂၁ ရာခိုင်နှုန်း လျော့နည်းခဲ့ကြောင်း ဆိုသည်။
ကချင်ပြည်နယ်ဝေးလံခေါင်ဖျားသည့် မြို့နယ်များတွင် ကျောင်းဆရာ၊ ဆရာမများ မလုံလောက်မှုကြောင့် စာသင်ကြားရေးတွင် အခက်အခဲများရှိကြောင်း ဒေသခံများထံမှ သိရသည်

Root ဆိုတာဘာလဲ Root ကိုဘာကြောင့် လုပ်သလဲ
(မသိသေးသူများအတွက်)

Android မှာ root လုပ်တာဆိုတာ ဘာလဲ …… ?
ပထမဆုံးအနေနဲ့ Android မှာ root လုပ်တာဆိုတာဘာလဲ တာကို အလွယ်တကူရှင်းပြထားပါတယ်။
root ဆိုတဲ့စကားလုံးက linux သုံးတဲ့ User တွေကနေ ထွက်ပေါ်လာတဲ့ စကားလုံးပါ။
Android OS က linux အသုံးပြုေ၇းသားထားတဲ့ system တစ်ခုပါ။
” Root ” ရဲ့သဘောတရားက သင့်ရဲ့ device ကို “Superuser” ရရှိအောင်လုပ်တာဆိုလဲ မှန်ပါတယ်။
သင့်ရဲ့ Android Software မှာ permissions ရအောင်ပြုလုပ်တာပါ။
root လုပ်ပြီးတာတဲ့ user အတွက် အထူး မြှင့်တင်ထားတဲ့ အခွင့်အရေးနဲ့အတူ ၊ စွမ်းရည်မြင့်တင်ထားတဲ့
custom software (ROM) ၊custom themes , Performance ၊ battery life တွေရဲ့
အရည်အသွေးမြှင့်တင်ထားတဲ့အရသာကိုခံစားရမှာပါ။
အခြေံအားဖြင့် သင့်ရဲ့ Android device ကို ” Hacking ” ပြုလုပ်တာပါ။
root လုပ်ပြီးတာနဲ့ မိမိဖုန်းကို administrator အနေနဲ့ system တခုလုံးကို အပြည့်အ၀
အသုံးပြုနိူင်သလို လိုအပ်သလိုလဲပြုပြုနိူင်ပါတယ်။
ဥပမာအနေနဲ့ နိူင်းယှဉ်ပြရရင် apple iPhone ရဲ့ iOS ကို jailbreak လုပ်တဲ့ အလားအလာ ပုံစံနဲ့အတူတူပါပဲ။
Root လုပ်လိုက်တဲ့အတွက် သင့် ၀ယ်သုံးတဲ့ Android device ရဲ့ manufacturers or mobile operators
တွေက တစ်စုံတစ်ခုအတွက် အားပေးအားမြှောက်ပြီး သဘောတူညီမူမပေးပါဘူး။
ပြီးတော့ Root လုပ်ပြီးအသုံးပြုတဲ့အတွက် သူတို့က သင့်ကို တားဆီးပိတ်ပင်တာတာတွေ မလုပ်နိူင်ပါဘူး။
ဒါကြောင့် သင့်ရဲ့ Android Phone ရဲ့ တချို့ service တွေကိုအသုံးချဖို့ သင့် root လုပ်ချင်တဲ့ စိတ်ဆန္ဒရှိရင် သင့်ပြုလုပ်နိူင်ပါတယ်။
အခုလို root user အနေအထားအထားရဖို့ သင့်ရဲ့ ဖုန်းကို root ပြုလုပ်ရတဲ့ အစီအစဉ်ကို
Android rooting လုပ်ပြုလုပ်တာလို့ခေါ်ပါတယ်။
သင့်ရဲ့ဖုန်းကို Root မလုပ်ခင် သတိထားရမဲ့အချက်
သင့်ရဲ့ဖုန်းကို root မလုပ်ခင်မှာ အောက်မှာဖော်ပြထားတဲ့ အချက်လေးတွေဖတ်ထားဖို့လိုပါတယ်
၁. သင့်ရဲ့ဖုန်းက Warranty void ဖြစ်သွားပါမယ်။
၂. သင့်ရဲ့ဖုန်းကို root လုပ်ဖို့အတွက် ဘာကြောင့်သင့်ရဲ့ဖုန်းကို root လုပ်ချင်တာလဲစတဲ့
သင့်ကိုယ်တိုင်ယုံကြည်စိတ်ချမူရှိဖို့လိုပါပါတယ်။
၃. သင့်ရဲ့ဖုန်းကို root လုပ်ဖို့အတွက် သေချာတဲ့ သင့်ဖုန်းနဲ့ ပတ်သက်တဲ့ root လုပ်နည်း
guide ရှိဖို့လိုပါတယ်။
သင့်ဖုန်း မော်ဒယ်အမျိုးအစားကြည့်ဖို့အတွက် အလွယ်တကူကြည့်နည်းက ဖုန်းရဲ့
အပေါ်ယံကာဘာ (သို့မဟုတ်) အများအားဖြင့် ဘတ်ထ္ထရီအောက်မှာ ရှိပါတယ်။
၎. root လုပ်တဲ့အခါ သေချာဂရုစိုက်ပြီး ၊ အဆင့်တွေကို ၂ခါပြန်စစ်ပေးပါ။
၅. root မလုပ် မိမိဖုန်းထဲမှာရှိတဲ့ အရေးကြီးတဲ့ datas တွေကို backup လုပ်ထားပေးပါ။
Android ကို root လုပ်လို့ရလာမဲ့ အကျိုးကျေးဇူးများ

1. Total control over system
root လုပ်ပြီးတဲ့ ဖုန်းတစ်လုံးက သင့်ကို administrator အဆင့်အနေအထားနဲ့သင့်ကိုပေးနိူင်ပါတယ်။
root လုပ်ထားတဲ့ ဖုန်းကို ၀င်ရောက်ပြီးတော့ system file လေ့လာနိူင်သလို၊ system file တွေကို
တဖန်ပြန်လည်ပြီး modify ပြုလုပ်ပေးနိူင်ပါတယ်။
( ဥပမာ : Android phone / tablet ကို root လုပ်ပြီး
system file ကို modify ပြုလုပ်ပြီး မြန်မာဖောင့်ထည့်ပြီးအသုံးပြုနိူင်ပါတယ် )
2. Remove Unwanted apps
ကျွန်တော်တို့ ဖုန်းတွေမှာ Original ပါလာတဲ့ applications ရှိပါတယ်။
တချို့ apps တွေက အရမ်းရေးကြီးတဲ့အပိုင်းတွေမှာပါသလို တချို့က ကျွန်တော်တို့ရဲ့
phone memory ကိုအလဟဿဖြစ်စေပါတယ်။
ဒါကြောင့် သင့် phone ကို root လုပ်ပြီးတဲ့အခါ သင့်မကြိုက်နှစ်သက်တဲ့
applications တွေကို ပြန်ပြီး ဖြုတ်ပစ်နိူင်ပါတယ်။
3. Change Themes
ကျွန်တော်တို့ ဖုန်းက နေ့စဉ်အသုံးပြုကိုင်နေရတာပါ။
နေ့စဉ် ကြည့်နေရပြီး စတိုင် အနေအထားတွေက ရိုးအီနေပါပြီ။
ကျွန်တော်တို့ ပုံစံအသစ် ၊ စတိုင်အသစ်နဲ့ ပြောင်းလဲဖို့က တချို့ဖုန်းတွေက
ပြသာနာ အနည်းငယ်ရှိပါတယ်။ ဒါပေမဲ့ root လုပ်ပြီးတဲ့အခါ သင့်စိတ်ကြိုက် themes နဲ့
သင့်ဖုန်းစတိုင်ပြောင်းလို့ရပါတယ်။
4. Backup Whole System
Android မှာ root လုပ်ပြီးလို့ မိမိ total system ကို backup လုပ်ပြီး SD Card မှာ
သိမ်းထားလို့ပါတယ်။ အလွယ်ပြောရင် သင်ရဲ့ iimage ကို hard disk မှာ သိမ်းတာပါ။
အထူးသဖြင့် new ROM ကိုအစမ်းသုံးကြည့်ဖို့အတွက် system အားလုံးကို သင့် backup လုပ်ထားပြီး
SD Card မှာ သိမ်းထားလို့ရပါတယ်။ new ROM ကိုအစမ်းသုံးကြည့်လိုက်ပါ။ ကြိုက်နှစ်သက်လား … ?
OK.. မကြိုက်နှစ်သက်တော့ဘူးဆိုရင် သင့်ရဲ့ Old System ကိုပြန်ပြီးအသုံးပြုလို့ရပါတယ်။
သင့် SD Card ထဲမှာ backup လုပ်ပြီး သိမ်းထားတဲ့ ” image ” ရှိလို့ပါ။
သင့်ရဲ့ မူရင်း old system ကို ပြန်ပြီး အသုံးပြုလို့ရပါတယ်။
5. Installing Special Applications
Android Phone ကို root လုပ်ပြီးတဲ့အခါ အရမ်းအသုံးဝင်ပြီး သင်ကြိုက်နှစ်သက်တဲ့ applications
တွေကို သင့် install ပြုလုပ်နိူင်ပါတယ်။
( ဥပမာ : fullversion အသုံးပြုလို့ရတဲ့ crack application တွေကိုဆိုလိုတာပါ )
အရမ်း လွယ်ကူပြီး ၊ free ရတဲ့ applications တွေကို သင့်ရှာနိူင်ပါတယ်။
6. Install New ROM , Interference
သင့်ဖုန်းမှာ Original ပါလာတဲ့ ROM ကိုသုံးလို့အားရတဲ့အခါ (သို့)
အခြား New Rom အသစ်သုံးချင်တယ်ဆိုရင်လဲ သင့်ရဲ့ Android device ကို
ချိန်းပြီးသုံးနိူင်ပါတယ်။ ဘာကြောင့်လဲဆိုတော့ အခုဆိုရင် သင့် Android device နဲ့
ပတ်သက်တဲ့ ROM တွေက Online မှာ အလွယ်တကူရှာဖွေနိူင်ပါတယ်။
အခုဆိုရင် Android developers တွေအများအပြားရှိပါတယ်။
ကဲ ..ဒီလောက်ဆိုရင် Android မှာ root လုပ်ရတဲ့အကြောင်းအရင်း
အနည်းအကျဉ်းသဘောပေါက်လောက်ပါပြီ။
အားလုံးအဆင်ပြေကြလိမ့်မယ်လို့ထင်ပါတယ်။

'''သင့်မျက်နှာပေါ်ရှိ မှဲ့ များမှ ပြောပြသော သင့်အကြောင်း'

မျက်နှာပေါ်ရှိ မှဲ့ အနက်အဓိပ္ပာယ်ပထမ
ဦးစွာ သင့်မျက်နှာပေါ်ရှိမှဲ့ကို အရင်ဆန်း
စစ်ပါ။ ပြီးရင် သင့်မျက်နှာပေါ်ရှိ မှဲ့နေ
ရာကို ပုံပါအတိုင်း အနီးစပ်ဆုံးနံပါတ်
ကိုကြည့်ပြီး အမျိုးအစားပိုင်းခြား

သတ်မှတ်ပါ။ထင်ရှားပြတ်သားပြီး တခုတည်းရှိသောမှဲ့ကိုသာ အဓိပ္ပာယ်ကောက်ယူရပါမယ်။ မျက်နှာပေါ်မှ အစက် အပြောက်များ၊ ဝက်ခြံ (သို့) မှဲ့သေးသေး ကလေးများကိုထည့်မတွက်ရပါဘူး။ ကဲ- မှဲ့နေရာက သက်ဆိုင်ရာအနေအထားမှာရှိတာသေချာရင် ဘယ်နံပါတ်ထဲ ပါဝင်နေမလဲဆိုတာ
ဆန်းစစ်ကြည့်ရအောင်။

နံပါတ် ၁မှ၃ကလေးတယောက်လိုပဲ သင့်ရဲ့စိတ်ဟာ တခါတရံမထိန်းချုပ်နိုင်ပဲ ပေါက်ကွဲလွယ်တယ်။ မွေးရာပါတီထွင်ကြံဆဥာဏ်ရှိပြီး လွတ်လပ် ခွင့်ပြုထားပါက အကောင်းဆုံးဖြစ်အောင် လုပ်နိုင်စွမ်းရှိသောကြောင့် သင့်ရဲ့ အထက်အရာရှိကသင့်ရဲ့တွေးခေါ်ဆန်းသစ် လုပ်ဆောင်ရည်ကို နှစ်သက်သဘောကျမှာဖြစ်ပါတယ်။ အဲဒီနေရာမှာရှိတဲ့ မှဲ့ပိုင်ရှင် ဟာသူများအလုပ်ကို လုပ်ရတာထက် ကိုယ်ပိုင်စီးပွားရေးလုပ်ဖို့ ကံပါပြီး စီးပွားရေးမှာလည်း အောင်မြင်ထွန်းပေါက်မှာ ဖြစ်ပါတယ်။

နံပါတ် ၄သင်ဟာ စိတ်ကူးရသလို လုပ်တတ်တဲ့သူဖြစ်ပါတယ်။မကြာခဏဆိုသလို သူတပါးအပေါ်ကို လွှမ်းမိုးသွားအောင်ဆွဲဆောင်နိုင်ပြီး ထူးခြားဆန်းပြားတဲ့ ပင်ကိုယ်အရည်အသွေးမျိုးပိုင်ဆိုင်သူဖြစ်ပါတယ်။ ထင်မြင်ယူဆဝေဖန်မှုများအပေါ်အငြင်းအခုံသန်သူဖြစ်ပြီး မကျေနပ်ချက်နဲ့ အလိုမကျမှုများကို စိတ်ထဲရှိတဲ့အတိုင်း ပြောတတ်သူဖြစ်လို့ အများနှင့် ဆက်ဆံရာမှာ အခက်အခဲတွေ့တတ်ပါတယ်။ အဆိုပါမှဲ့ပိုင်ရှင်မှာ အငြိုးဒေါသ ပေါက်ကွဲလွယ်သူဖြစ်လို့အဲဒီအကျင့်လေးသာ
ဖျောက်အောင် လုပ်နိုင်မယ်ဆိုရင် လူ့လောကမှာ တည်ငြိမ်အေးချမ်းစွာ နေထိုင်သွားနိုင်မှာ ဖြစ်ပါတယ်။

နံပါတ် ၅မျက်ခုံးအပေါ်ထက်ရှိ မှဲ့ပိုင်ရှင်ဟာ ဘဝမှာချမ်းချမ်းသာသာနဲ့ နေရမယ့်ကံပါတယ်။ဒါပေမယ့်သူများထက်တော့ပိုရှာပြီး ပိုကြိုးစားလုပ်ကိုင်ရပါတယ်။ သင်ရှာသမျှငွေတွေကို သေချာထိန်းသိမ်းရပါလိမ့်မယ်။ ဘာလို့လဲဆိုတော့ သင့်ကိုမနာလိုသူတွေက စကားချိုချိုနဲ့ သင့်ရဲ့ဥစ္စာဓနကို ခွဲဝေယူဖို့ကြံစည်ကြပါလိမ့်မယ်။သင့်ရဲ့အလျင်အမြန်ကြီးပွားချမ်းသာတဲ့စီမံကိန်းကြီးထဲကို ရင်းနှီးမြှုပ်နှံဖို့ကြိုးစားလာသူများကို အထူးသတိရှိပါ၊ သူတပါးအား အယုံမလွယ်မိဖို့သတိပေးပါရစေ။
သင့်ရဲ့ပင်ကိုဥာဏ်ကိုသုံးပြီးသတိဝိရိယနဲ့နေပါ။ဘယ်သောအခါမှ သင့်ရဲ့ငွေကြေးကိစ္စရပ်များကို တပါးသူအားမချုပ်ကိုင်ပါစေနဲ့။

နံပါတ် ၆ဒီနေရာမှာရှိတဲ့မှဲ့ပိုင်ရှင်ဟာ ဥာဏ်ကောင်းတယ်၊ တီထွင်ဖန်တီးဥာဏ်ရှိတယ်၊ အနုပညာစွမ်းရည်ရှိတယ်။ အဆိုပါစွမ်းရည်က သင့်ကိုချမ်းသာကျော်ကြားပြီး အောင်မြင်စေတယ်။ ချမ်းသာမဲ့ကံပါလာပြီးသား။ ဒါပေမဲ့သမားရိုးကျစီးပွားရှာဖို့လမ်းစဉ်ထက် ကိုယ်စိတ်နှလုံးသွင်းပြီးရဲရင့်သတ္တိရှိမှ အောင်မြင်မှုကို အကောင်အထည်ဖော်ဆောင်နိုင်မှာဖြစ်တယ်။

နံပါတ် ၇မျက်ခုံးအောက်မှာရှိတဲ့ မှဲ့ပိုင်ရှင်ဟာ ပူဆွေးသောက စိတ်မချမ်းမြေ့ဖွယ်ကောင်းတဲ့ ဆွေမျိုး၊ မိသားစုအသိုင်းအဝိုင်းကြားမှာ ကတောက်ကဆ စကားများ တတ်တယ်။ အဲဒါက သင့်အလုပ်နဲ့ အသက်မွေးဝမ်းကျောင်း ကို ထိခိုက်စေပါတယ်။ တည်ငြိမ်အေးချမ်းတဲ့ ဘဝကို ပိုင်ဆိုင်ချင်တယ်ဆိုရင်တော့ ဆွေမျိုး အသိုင်းအဝိုင်းတွေနဲ့ အဆင်ပြေအောင် ညှိယူပါ။

နံပါတ် ၈ဒီနေရာမှာမှဲ့ရှိရင်တော့ မကောင်းပါဘူး။ အသုံးအဖြုန်းများတတ်တဲ့ အတွက်ကြောင့် အမြဲအလိုလို ငွေ ကြပ်နေတတ်တယ်။ လောင်းကစားကို ခုံမင်သူလည်း ဖြစ်တယ်။ ဘယ်အချိန်မှာ ရပ်တန်းက ရပ်ရမလဲဆိုတာ မိမိကိုယ်ကိုသိပါ။အလားတူ အဲဒီမှာ မှဲ့ ရှိတဲ့သူ ဟာ ဆန့်ကျင်ဘက်လိင်ကို သာမက လိင်တူကိုပါ ဆွဲဆောင်ကလူတတ်ပါတယ်။ သင့်ရဲ့ဆွဲဆောင်မှုကို အသုံးချရာမှာ အနည်းငယ် မြော်မြင်ဆင်ခြင်နိုင်မှ တော်ခါကြပါမယ်။ မဟုတ်ရင် ဒုက္ခရောက်သွားနိုင်တယ်။

နံပါတ် ၉ဒီနေရာရှိ မှဲ့ပိုင်ရှင်ဟာ လိင်ပိုင်းဆိုင်ရာနဲ့ အခြားပြဿနာများ ရှိနိုင်ပါတယ်။ ကံမကောင်းတဲ့မှဲ့ဖြစ်လို့ ဖြတ်ပစ်ဖို့အကြံပြုပါရစေ။ ပူဆွေးသောကများစွာနဲ့ ပြဿနာပေါင်းများစွာကို ယူဆောင်လာမဲ့ မှဲ့မျိုးပါ။

နံပါတ် ၁၀နှခေါင်းအောက်တည့်တည့်မှာမှဲ့ပါရင် သားမြေးစဉ်ဆက်ထိ ကံကောင်းတယ်။ အချိန်ပြည့် မိသားစုဝင်များနဲ့သားသမီးများ၊ မြေးများနဲ့ သိုက်သိုက်ဝန်းဝန်းနေရမယ်။ သင်နဲ့အနီးဆုံးလူရဲ့ အထောက်အပံ့ကို ရရှိနိုင်မှာဖြစ်ပြီး သင့်အား ဥစ္စာပစ္စည်းရော၊ စိတ်ခံစားမှုရော အပြည့်အဝဖြည့်ဆည်းပေးနိုင်ပါလိမ့်မယ်။

နံပါတ် ၁၁ဒီနေရာမှဲ့ရှိတဲ့သူဟာ နာဖျားခြင်းကို မလွန်ဆန်နိုင်ပါ။ အထူးသဖြင့် အဲဒီမှဲ့ကြီးပြီး မည်းလာရင် ဖျက်ပစ်လိုက်တာ အကောင်းဆုံးပဲ။ ဒါမှမဟုတ် အောက်ခံမိတ်ကပ်ဖောင်ဒေးရှင်းများများသုံးပြီး ဖုံးထားပါ။

နံပါတ် ၁၂ဒီနေရာမှဲ့ရှိတဲ့သူဟာ အောင်မြင်ရုံသာမက တည်ငြိမ်မျှတတဲ့ဘဝကို ရရှိခံစားနိုင်မှာဖြစ်ပါတယ်။ သိပ် မချမ်းသာရင်တောင်မှ ကျော်ကြားမယ်။ သင့်ကို မြင့်မားတဲ့ဘဝမှာ နေထိုင်ပိုင်ဆိုင်ဖို့ အခွင့်အရေးပေးသော်လည်းပဲ သင်ဟာသင့်အိမ်နဲ့မိသားစုဘဝမှာပဲ ကျေနပ်တင်းတိမ်နေမယ်။ အဲဒီနေရာမှာမှဲ့ရှိတဲ့ အမျိုးသမီးများဟာ အထူးသဖြင့် ကံကောင်း
မယ်၊ လှပမက်မောစွဲမက်ဖွယ်ကောင်းပါလိမ့်မယ်။

နံပါတ် ၁၃သင့်ကလေးတွေက သင့်ဘဝမှာ ကြီးမားတဲ့ပူပန်သောက စိုးရိမ်မှု တခုပါပဲ။ သူတို့လေးတွေနဲ့ ဆက်ဆံရတာအဆင်မပြေနိုင်ပါဘူး။ ဒီကိစ္စနဲ့ပတ်သက်ပြီး သည်းခံနိုင်အောင် ကျင့်ကြံဖို့ ကြိုးစားရုံမှတပါး ဘာမှမတတ်နိုင်ပါ။

နံပါတ် ၁၄ဒီနေရာမှာမှဲ့ရှိတဲ့သူဟာ အစားအသောက်နဲ့ ပတ်သက်ပြီး သင့်ဘဝမှာ ကြီးမားတဲ့ပြဿနာတခုပါပဲ။ဘာလို့လဲဆိုတော့ သင်ဟာတချို့အစားအစာနဲ့ဓါတ်မတည့်မှု ဖြစ်ချင်ဖြစ်မယ်။ ဒါမှမဟုတ်ရင် အစားကြီးလွန်းရင်တောင်ဖြစ်တတ်
ပါတယ်။

နံပါတ် ၁၅သင်ဟာ သွက်လက်တက်ကြွတယ်၊ သင့်အိမ်ကို အမြဲလိုလို ပြုပြင် မွမ်းမံပြီး အလှဆင်ရတာကို နှစ်သက်သူဖြစ်တယ်။ ပစ္စည်းသစ် ကို သုံးရတာ၊ နေရာ အသစ်အဆန်းကို သွားရတာ သဘောကျတယ်။ တနေရာ ထဲမှာ ကြာ ကြာနေရတာကို မနှစ်မြို့ပေ။ ခရီးသွားခြင်း၊ စွန့်စားခြင်းကို နှစ်သက်ပြီး ဂရုတစိုက်စူးစမ်းသိမြင်သော အမြင်ရှိပါတယ်။

နံပါတ် ၁၆သင်အစားစားတော့မယ်၊ လိင်ဆက်ဆံတော့မယ်ဆိုရင် သတိထားဖို့ လိုပါတယ်။ ဘာလို့လဲဆိုတော့ အဲဒီ၂ခုဟာ သင့်ရဲ့ကြီးမားတဲ့ပြဿနာဖြစ်ပေတယ်။ သင့်ကိုစိတ်ဓါတ်ကျစေမဲ့ ပူပန်သောကတွေ ရှိလာတတ်ပါတယ်။ သင်ဟာချစ်ရေး ချစ်ရာ မှာ စိတ်ပါဝင်စားပြီး ချစ်သူ ကို တယောက်မက ထား တတ်ကြပါတယ်။ ဒါပေမယ့် သင်ဟာ ကိုယ်ကျင့်သိက္ခာစောင့်ထိန်းသူဖြစ်တဲ့
အတွက်ကြောင့် ဒါကို အပြစ်ကျူးလွန်မိတယ် လို့ ယူဆကာ စိတ်ဖိစီးမှုများ ဖြစ်ပေါ်စေနိုင်
ပါတယ်။

နံပါတ် ၁၇ သင်ဟာ လူမှုရေးရာမှာ ထင်ပေါ်ကျော်ကြားမယ်။ သင်ဟ ပေါင်းသင်းဆက်ဆံရေးကောင်းသလို စကားပြောကောင်းသူတယောက်လဲ ဖြစ်တယ်။ သင့်ရဲ့အောင်မြင်မှုနဲ့ ပတ်သက်ပြီး စိတ်ကြီးဝင်နေတတ်ပါတယ်။ ဒါဟာ သင့်ရဲ့ ဂုဏ်သတင်းကျော်စောမှုကို ဆုံးရှုံးစေနိုင်ပါတယ်။ ဘာလို့လဲဆိုတော့ သင့်ရဲ့မိမိကိုယ်ကို ယုံကြည်မှုနဲ့ ကိုယ့် ကိုယ်ကို တန်ဖိုး
ထားလေးစားမှုဟာ သင့်ကို အလွန်အမင်းထိခိုက်စေလိမ့်မယ်။

နံပါတ် ၁၈ သင်ဟာ အမြဲတမ်း ခရီးထွက်နေရမဲ့ သူ ဖြစ်တယ်။ သင့်ဘဝ မှာ နိုင်ငံရပ်ခြားခရီးဝေး အများကြီးသွားရမယ်။ဒါပေမဲ့ ရေလမ်းခရီးသွားရမဲ့အခါတိုင်း အထူးသတိရှိပါ။ ဘာလို့လဲဆိုတော့ အဆိုပါ မှဲ့မျိုးဟာ အိမ်မှာနေရတာက သင့်အတွက် ပိုပြီးကောင်းပါလိမ့်မယ်။

နံပါတ် ၁၉သင့်မှာ ငွေရမဲ့ကံရှိပြီး မိတ်ဆွေကောင်းလည်း ပေါများပါတယ်။ ဒါကြောင့် ဒီမှဲ့မျိုးရှိတာ ကောင်းပါတယ်။ အားနည်းချက်ကဆန့်ကျင်ဘက်လိင်ရဲ့ဆွဲဆောင်မှုနောက်သို့အ
လွယ်တကူပါသွားတတ်ကြတယ်။ သင့်ဘဝမှာအဲဒါက သင့်ကို ဒုက္ခရောက်စေပါတယ်။ ဒါကြောင့် သင့်ရဲ့စိတ်ကို တည်ငြိမ်အောင်ကြိုးစားပါ။

နံပါတ် ၂၀ဒီနေရာရှိ မှဲ့ပိုင်ရှင်ဟာ ကံအရမ်းကောင်းချင်ကောင်းမယ်။ ကံအရမ်းဆိုးရင်ဆိုးမယ်။ ကံတရားက သင့်ကို အလွန်အမင်းကျော်ကြားမယ် ဒါမှမဟုတ်ရင် မကောင်းသတင်းဖြင့် ကျော်ကြားမယ်လို့ကြိုတင်စီရင်ထားပြီး ဖြစ်တယ်။ သင့်မှာ တီထွင်ဖန်တီးတတ်တဲ့ ပါရမီရှိသလို ဥာဏ်ရည်ထက်မြက်သူလည်း ဖြစ်ပါတယ်။ ဒါပေမဲ့ သင့်ရဲ့ပင်ကိုအရည်အသွေး
ကိုကောင်းတဲ့နေရာရော ဆိုးတဲ့နေရာမှာပါ အသုံးပြုလို့ ရပါတယ်။ သင်ဟာ လူတွေကို မထီမဲ့မြင်၊ မလေးမစား ဆက်ဆံတတ်တဲ့ လူစားမျိုးမဟုတ်ပါဘူး။ သင်ဟာ သဘောလွယ်သူမဟုတ်တဲ့အတွက် အလွယ်တကူ ခွင့်မလွှတ်တတ်သလို မေ့လဲမမေ့တတ်ပါ။ ဒီမှဲ့ဟာ ထူးချွန်ပြောင်မြောက်သူ (သို့မဟုတ်) နိုင်လိုမင်းထက်ပြုမူသူ အဖြစ် မှတ်ယူရမဲ့ အမှတ်အသား
တစ်ခုပါပဲ။

နံပါတ်၂၁ ဒီမှဲ့မျိုးက ကောင်းပါတယ်။ ဘဝတလျှောက် များများစားရ ၊သောက်ရမှာ ဖြစ်ပါတယ်။နောက်ပြီး ကျော်ကြားမှုနဲ့အသိအမှတ်ပြုခံရမှုများကို ယူဆောင်လာမဲ့ မှဲ့မျိုးဖြစ်ပါတယ်။

နံပါတ် ၂၂သင့်ဘဝဟာအမြဲ ပျော်ရွှင်နေပြီး အစစအရာရာအဆင်ပြေချောမွေ့ပါတယ်။ သင်ဟာအားကစားကိုဝါသနာထုံသူဖြစ်ပါက စူပါစတား အားကစားသမားကောင်းတယောက် ဖြစ်လာနိုင်ပါတယ်။မျက်ခုံးမွေး အဆုံးမှာရှိတဲ့ မှဲ့ ပိုင်ရှင်များ
ဟာသြဇာတိက္ကမ ရှိတဲ့ ပုဂ္ဂိုလ်မျိုး ဖြစ်ပါတယ်။

ဒါကြောင့် သင်သာ ကုမ္ပဏီရဲ့ အလုပ်အမှုဆောင် အရာရှိတယောက် ဆိုပါကကောင်းစွာလုပ်ဆောင်နိုင်မှာ ဖြစ်ပါတယ်။

နံပါတ် ၂၃သင့်မှာ ဥာဏ်ရည် (IQ) အရမ်းပဲမြင့်မားပါတယ်။ ဥာဏ်ရည်ပါးနပ်သလို မြို့ရည်လည်ပြီး လူအမျိုးမျိုးနဲ့ပေါင်းသင်းဆက်ဆံတတ်ပါတယ်။ လူ့ဘဝမှာ ဘယ်လို ရှင်သန် ရပ်တည်ရမလဲ ဆိုတဲ့ ရင့်ကျက် တဲ့ ပင်ကိုဥာဏ်ရှိတဲ့အတွက်ကြောင့် အဓိပ္ပာယ် ရှိရှိ၊ သက်တမ်းရှည် တဲ့ ဘဝ ကို ပိုင်ဆိုင်နိုင်မှာ ဖြစ်ပါတယ်။ အသက် အိုမင်း လာသည့် တိုင်အောင်တက်ကြွဖျတ်လတ်နေတုန်းပါပဲ။ ဘဝဆုံးတဲ့အထိ မိတ်ဆွေများ၊ မိသားစုများနဲ့ သိုက်သိုက်ဝန်းဝန်းနေသွားရမှာပါ။

နံပါတ် ၂၄သင်ဟာ ငယ်ရွယ်စဉ်မှာ ကျော်ကြားမှုနဲ့အခွင့်အလမ်းများ ရရှိနိုင်ပါတယ်။ ဒါကြောင့်အိုမင်းတဲ့အခါအထောက်အပံ့ပြုဖို့ ငယ်စဉ်ခါ ရလာမဲ့အခွင့်အရေးကို အသုံးချတတ်ဖို့ အကြံပြုပါရစေ။ ဘာလို့လဲဆိုတော့အဆိုပါမှဲ့ပိုင်ရှင်များဟာ
အသက်ကြီးလာတဲ့အခါ သူတို့ရဲ့ဘဝဟာ ခက်ခဲကြမ်းတမ်းတတ်ပါတယ်။

နံပါတ်၂၅သင်ရဲ့ ကြိုးစားအားထုတ်မှုက ကြီးပွားချမ်းသာခြင်းနဲ့ အသိအမှတ်ပြုခြင်းကို ရရှိပြီး အခွင့်အလမ်းများစွာ ခံစားရရှိနိုင်မှာ ဖြစ်ပါတယ်။ ဒါပေမဲ့ လွန်ကဲမှုကို အထူးသတိပြုပါ။ သမရိုးကျအတိုင်း ပြုမူနေထိုင်ပါ။ အသက်ရှည်ပြီး အကျိုး စီးပွားဖြစ်ထွန်းမဲ့ဘဝမျိုးကို ပိုင်ဆိုင်ရရှိမှာ ဖြစ်ပါတယ်။

ပျိုမေတို့သိစေဖို့ မှ ပြန်လည်မျှဝေပါသည်။

Credit to မူရင်းရေးသူ

မဟာယာန နှင့်ထေရဝါဒ ကွာခြားမှု အကြောင်း

ခေါင်းစဉ်ဖတ်ရုံနှင့် အင်မတန်စိတ်ဝင်စားဖွယ်ကောင်းမည့် အကြောင်းအရာဖြစ်မှန်း စာဖတ်သူတို့ သိရှိမည်ဟု ယုံကြည်ပါသည်။
ယင်းသို့ ဗုဒ္ဓဘာသာမှ ခွဲထွက်လာသော ထိုလမ်းနှစ်သွယ်ကို ရေးသားသုံးသပ်ရန်မှာ အင်မတန်ခက်ခဲလှသည်။ အကြောင်းမှာ- တစ်ဖက်စောင်းနှင်းဖော်ပြမိလျှင် မိမိဘာသာ သာ အမှန်၊ အခြားဘာသာမှားယွင်းသည်ဟု မှားမှားယွင်းယွင်း သိမြင်စေသော အတ္တဝါဒီ သမား ဖြစ်နိုင်ခြင်း၊ ကွဲလွဲမှုများဖော်ပြရာ စာဖတ်သူတို့အား အမြင်လွဲမှား မှုများဖြစ်ပေါ်စေခဲ့လျှင် သံဃာသင်းခွဲသည်ဟူသော ကံကြီးတစ်ခုပါ ထိုက်ချေအုံးမည်။
သို့ဖြစ်ရာ မှန်ကန်သော အထောက်အထားများရရှိစေရန် စာအုပ်များ ဖတ်ရှုလေ့လာရပါသည်။ ထို့ကြောင့် စာရေးသူ တင်ပြသော မဟာယာန နှင့် ထေရဝါဒ အယူဖော်ပြချက်များမှာ ဗုဒ္ဓအဆုံးအမနှင့် ကျမ်းဂန်လာများ သာ ဖြစ်ကြောင်း သိစေလိုပါသည်။
ထေရဝါဒကို များများစားစား တင်ပြနေစရာမလို စာရေးသူတို့မြန်မာလူမျိုးအများစု ကိုးကွယ်နေသည့် ဘာသာဖြစ်ရာ သိရှိပြီးဟု ယုံကြည်သဖြင့် အကျဉ်းချုပ် အဓိပ္ပါယ်ကိုသာဖော်ပြလိုပါသည်။ ထို့နောက် မဟာယာနကို အကျယ်တစ်ပွင့်ဖော်ပြပါမည်။
ထေရဝါဒ ဟူသည် ထေရ နှင့် ဝါဒ ပေါင်းစပ်ထားသော မြင့်မြတ်သည့် အယူ (သုိ့) ရဟန်းမထေရ်တို့၏ဝါဒ (အယူ) ဟုဖြစ်သည်။ ထေရဝါဒ အယူအရ ခန္ဓာ၏ ဖြစ်ပျက်ကိုရှုပြီး သစ္စာလေးပါး သိမြင်ကာ မဂ်ဖိုလ်နိဗ္ဗာန်သို့ ဆိုက်ရောက်စေသော အယူဖြစ်ပါသည်။ (ဒီထက်ပိုမိုကျယ်ပြန့်စွာ လည်း ဖော်ပြနိုင်ပါသည်။) ဤသည် အများက သိမြင်ထားသော အကျဉ်းချုပ်အဓိပ္ပါယ်ဖြစ်သည်။ သာဝက လမ်းစဉ်ဖြစ်ပြီး သောတပန်၊ သကဒါဂန်၊ အနာဂန်၊ ရဟန္တာစသည့် အရိယာအဆင့်ဆင့်ဖြင့် လောကီမှ နိဗ္ဗာန်သို့ကျွတ်တမ်းဝင်စေ သော လမ်းစဉ်ဖြစ်သည်။
မဟာယန ဟူသည်ကား ဗောဓိသတ္တယာန ခေါ် ဘုရားအလောင်းလမ်းစဉ်ကို ဦးစားပေးသော ဗုဒ္ဓဘာသာဂိုဏ်းဖြစ်သည်။ မဟာ (ကြီးကျယ်မြင့်မြတ်သော) ယာန (ဝါဒ)(လမ်းစဉ်) ဟုခေါ်ဆိုရသည့် အကြောင်းနှစ်ချက်ရှိသည်။ ၁။ သတ္တဝါအများကိုကယ်တင်နိုင်သဖြင့် ကြီးကျယ်များပြားသော အနက်၊ ၂။ သမာရိုးကျဗုဒ္ဓဘာသာ (ထေရဝါဒနှင့် ဟိနယာန) တုိ့ထက်သာလွန်မြင့်မြတ်သည့်ရည်မှန်းချက်ရှိသော အနက်… ထိုအနက်နှစ်ခုကြောင့် မဟာဟုခေါ်ဆိုခြင်းဖြစ်သည်။
သဒ္ဓရ်မပုဏ္ဍရိက ကျမ်းတွင် မဟာယနဝါဒကို အလွယ်နည်းဖြင့်သိရန် ပုံပြင်ဖြင့် အဓိပ္ပါယ်ဖွင့်ဆိုထားသည်။ အိမ်ကြီးတစ်အိမ်တွင် ကလေးငယ်များ ကစားနေစဉ် ထိုအိမ်ကြီး မီးလောင်သည်ဆိုပါစို့။ ကလေးငယ်များက ဘာမျှ လုပ်တတ်ကြလိမ့်မည်မဟုတ်။ ထိုအခါ အားကောင်းမောင်းသန်ဖခင်ဖြစ်သူက ကလေးငယ်များနှင့်တကွ ကစားစရာများကိုပါ ယာဉ်ရာထားကြီးပေါ်တင်ပြီး မီးဘေးလွတ်ကင်းရာ သို့ထွက်ခဲ့သည်။ ထိုပုံပြင်၌ မီးလောင်နေသာ အိမ်ကြီး ကို ဒေါသမီး၊လောဘမီး၊ မောဟမီး ဟုန်းဟုန်းတေက်လောင်မြိုက်နေသော ဤကမ္ဘာလောကကြီး၊ ကလေးငယ်များကို ပုထုဇဉ်လူသားများ၊ ကယ်တင်သူ ဖခင်ကို ဘုရားလောင်း၊ ကယ်တင်ရာ ယာဉ်ကို ဘုရားအလောင်းကျင့်စဉ် (ဗောဓိသတ္တယန) စသည့် ဥပမာများဖြင့် ဖော်ပြထားလေသည်။ ကလေးငယ်များ ကစားနေသော ကစားစရာယာဉ်များတွင် လူတကယ်စီးနိုင်လောက် သော လှည်းရုပ်များလည်းရှိမည်ဖြစ်သော်လည်း ထိုလှည်းကလေးများသည် ထကယ့်အရေးအကြောင်းရှိလာပါ မူကား အကူအညီရနိုင်လိမ့်မည် မဟုတ်ကြောင်း ရှင်းပြထားသည်။
ထို့ကြောင့် မဟာယန အယူအရ တစ်ဦးတစ်ယောက်တည်း နိဗ္ဗာန်သို့ရောက် ရန်ကျင့်ခြင်းသည် မမြင့်မြတ်၊ မိမိကိုယ်တိုင် ဘုရားဖြစ်မှသာ လောကကို ကယ်တင်နိုင်ပြီး အားလုံးကျွတ်အောင်ပြုနိုင်အပ်ပေသည်ဟု ယုံကြည်ကြသည်။
နိဗ္ဗာန်သို့ရောက်ရန် ကျင့်စဉ် သုံးနည်း (ဝါဒ ၃ဝါဒ) ရှိသည်။
၁။ သာဝကယာန ( သာဝက ရဟန်းဘဝဖြင့် နိဗ္ဗာန်ဝင်ခြင်း)
၂။ မစ္စေကဗုဒ္ဓယာန (ပစ္စေက ဗုဒ္ဓဘဝဖြင့် နိဗ္ဗာန်ဝင်ခြင်း)
၃။ ဗောဓိယာန (ဘုရားအဖြစ်မှ နိဗ္ဗာန်ဝင်ခြင်း) (ယင်းလမ်းစဉ်ကို နောက်ပိုင်း ဘုရားလောင်းကျင့်စဉ် (သမ္မာသမ္ဗောဓိ) ဟုလည်းခေါ်သည်။)
စသည်တို့ဖြစ်သည်။
ဘုရားရှင်ပရိနိဗ္ဗာန်စံတော်မူပြီး နှစ် ၁၀၀ ခန့်တွင် ပထမ သံဃာယနာတင်ပြီးနောက်ပိုင်း ဟိနယာနဂိုဏ်းတစ်ခု ထေရဝါဒ မှခွဲထွက်လာသည်။ ဒုတိယ သံဃာယနာကာလတွင်း ဝိနည်းဆယ်ပါး တီထွင်ပြဋ္ဌာန်းမှုကြောင့် မူလထေရဝါဒဂိုဏ်း ရဟန္တာမထေရ်ကြီးတို့က မိမိတို့အား သံဃာကံထားပြီး သာသနာတော်သန့်စင်ခဲ့သည်ကို အငြိုးထားကာ ရဟန္တာဆိုသည်မှာ ကိလေသာမကုန်သေး။ သံယောဇဉ်မကုန်သေး။ ထို့ကြောင့် ဘက်လိုက်မှုပြုတတ်သေးသည်။ အမှားကိုလည်းပြုတတ်သေးသည်။ ထို့ကြောင့် အရိယာဂုဏ်ယုတ်လျော့ အောင်ပြောဆိုဝေဖန်ပြီးလျှင် မိမိတို့သည် ထိုပထမသံဂါယနာတင် ရဟန္တာအိုကြီးများ၏ သာဝက လမ်းစဉ်ကို မလိုက်လိုကြောင်း ထုတ်ဖော်ကြေညာခဲ့သည်။
ထို့ကြောင့် အစဦးပိုင်းတွင် ဟိနယာနဂိုဏ်းဝင်တို့သည် ပစ္စေကဗုဒ္ဓလမ်းစဉ်ကို ကျင့်ကြံအားထုတ်ရာ နောက်ပိုင်း ၄င်းထက်ပိုမြင့်မြတ်သော ဘုရားလမ်းစဉ် (ဝါ) ဘုရားလောင်းလမ်းစဉ် (သမ္မာသမ္ဗောဓိ) သဖြင့် မဟာယန အဖြစ်သို့ အသွင်ပြောင်းခဲ့သည်။ ထို့ကြောင့် ဟိနယာန ဂိုဏ်းပျောက်ကွယ်ခဲ့သည်။
ဤတွင် စိတ်ဝင်စားဖွယ်တစ်ချက်ဝင်လာသည်။ မြတ်စွာဘုရားရှင်သည် လူ့ပြည်၌ သာဝကလမ်းစဉ်ကို သာဟောကြားခဲ့သည်။ အတိအကျဆိုရသော် ဓမ္မက္ခန္ဓာ(တရားအစု) အားဖြင့် ၈၄၀၀၀ သာဖြစ်သည်။ ထို့ကြောင့် မဟာယန လက်စွဲကျင့်ကြံသော သမ္မာသမ္ဗောဓိလမ်းစဉ်ကို မည်သို့ရရှိသနည်းဖြစ်သည်။
မဟာယန ကျမ်းဂန်အရ မြတ်စွာဘုရားသည် သမ္မာသမ္ဗောဓိ (ဘုရားအလောင်း) လမ်းစဉ်ကို နဂါးပြည်တွင် ဟောခဲ့သည်။ အေဒီ ၁၀၀-၂၀၀ တွင် နာဂါရ်ဇုန ရဟန္တာသည် လောကီပညာရပ်တွင် သိဒ္ဓိပေါက်ပြီး နဂါးပြည်သို့ တက်ရောက်ကာ ဗောဓိသတ္တလမ်းစဉ်နှင့် သုညသဝါဒကို သင်ယူခဲ့သည်။ ထို့ကြောင့် သင်ယူထားသော ဝါဒကို ပြန်လည်ပြန့်ပွားစေရာ မာဓျမိက ဝါဒဟုသာ အမည်တွင်သည်။ အေဒီ(၂၇၀-၃၅၀)တွင် ယောဂစာရဂိုဏ်း အယူဝါဒတည်ထွင်သူ မေတ္တေယျနာထ မှ မာဓျမိက ဝါဒကို ဆက်လက်ထိန်းသိမ်းပြန့်ပွားခဲ့သည်။ ယခုအခါယင်း မေတ္တေယျသည် သုတိသာနတ်ပြည်တွင်စံမြန်းနေသော နောင်ပွင့်မည့် မေတ္တေယျဘုရားဟု မဟာယနတို့မှ ယုံကြည့်ထားကြသည်။ မာဓျမိကဝါဒ သည် အလယ်အလတ်ဖြစ်သော ပစ္စေကာဗုဒ္ဓါယာနအယူကိုလက်ခံသဖြင့် ထိုထက်ပိုမြင့်မြတ်သော သမ္မာသမ္ဗောဓိ အယူသို့ကူးပြောင်းရာ မဟာယနပီပြင်လာခဲ့သည်။
မဟာယနတွင် ဒသဘူမိကဆယ်ဆင့်တရား၊ ဗောဓိသတ္တ၏ အဓိဋ္ဌာန်၊ ပါရမီခြောက်ပါးကျင့်စဉ်တရား စသည်ဖြင့်စသည်ဖြင့် ခိုင်မာသော တရားအုတ်မြစ်များ ရှိနေရာ ယနေ့တိုင် တည်မြဲရသော အကြောင်းအရင်းတစ်ရပ်ဖြစ်ပေသည်။
ဥပမာ- အတ္တနှင့် အနတ္တ အစွန်းနှစ်ဖက်၏ အလယ်ဗဟိုကျင့်စဉ်၊ အစွန်းတရားပယ်နည်း၊ ပတ်လည်ငြင်းပယ်နည်း ၈မျိုး၊ (Negation of Negation) နောက်ဆုံးတွင် အစွဲအားလုံးကင်းသော နိဗ္ဗာန်အစစ် (သုညတာ) သို့သိမြင်ရသည်ဟု ဆိုထား၏။
သို့သော် မဟာယနတွင် အများဝေဖန်စရာ အချက်များရှိနေသေးသည်။ ၄င်းမှာ ဘုရားလောင်း ကိုးကွယ်ခြင်းဖြစ်သည်။ မဟာယန၏ အယူမှာ မြတ်စွာဘုရားသည် ဘုရားဖြစ်တော်မူပြီး လူ့ပြည်သို့ ဆင်းပြီး တရားမဟာခဲ့ ပုံရိပ်၊ ကာယအတုတို့ဖြင့်သာဖြစ်ပြီး ဘုရားလောင်းများကို တစ်ဆင့်ပါးပြီးလည်း ဟောတော်မူကြောင်ယုံကြည်ကြသည်။ ထိုသို့ယုံကြည်ခြင်းသည်လည်း အကြောင်းမဲ့မဟုတ်။ ဗုဒ္ဓကို ကာယသုံးပါးဖြင့် ခွဲပြထားပြီး ထိုကာယတို့အား လူတို့မဖူးတွေ့ရပုံ တို့ပါတိတိကျကျညွန်းဆိုထားကြသည်။
ထို့ကြောင့် အရေးအကြောင်းတစ်ခုခုလျှင် မြတ်စွာဘုရားမှမကယ်။ ဘုရားလောင်းများသာ လာရောက်ကယ်တင်ကြသည်ဟု ယုံကြည်သည်။ ဘုရားလောင်းများသည် နတ်သား၊ နတ်သမီးအဖြစ်လည်းကောင်း ဘဝအမျိုးမျိုးဖြစ်သည်ဟု ယုံကြည်ကြသည်။ လက်ရှိ တရုတ်တို့ကိုးကွယ်နေသာ ကွမ်ယင်မယ်တော်မှာ ဘုရားလောင်းဖြစ်သည်ဟုယုံကြည်ကြသည်။ မဟာယနတို့သည် အရိမေတ္တေယျ မပွင့်မီ ကာလ ကြားကာလမှ ဘုရားလောင်းများကို ဘေးဒုက္ခများမှ လွတ်မြောက်ရန် ကယ်တင်ပေးစေလိုခြင်းငှာ ကိုးကွယ်ဆည်းကပ်ကြလေသည်။
ထိုသို့ဘုရားလောင်းကိုးကွယ်ခြင်းသည် မဟာယနတွင် အင်မတန်ခေတ်စားပြီး အိန္ဒိယ မှ ဗြိဿနိုးကိုပင် အမည်ပြောင်းလဲခေါ်ဆိုကာ ဘုရားအလောင်းတော် အဖြစ်ကိုးကွယ်သည်။ ခေတ်အဆက်ဆက် ပြောင်းလဲလာပြီး ဘုရားအလောင်းတော် ကိုကိုးကွယ်ရာတွင် ဘုရားအလောင်းတော်၏ မိဘုရား နတ်သမီးကိုပါကိုးကွယ်ခြင်းအထိ ဖြစ်လာသည်။ ယင်းကိုးကွယ်မှု သည် မြန်မာ သုိ့ ပုဂံခေတ်ကတည်းက စီးဝင်ပြီး ဂေါတမမြတ်စွာ ဘုရားအားထု လုပ်ရာ ဘေးတွင် နတ်သားနှင့် နတ်သမီးပါနေသည်ကို တွေ့မြင်ရမည် ဖြစ်သည်။ ထို့မှ ကာမုဂုဏ်မွေ့လျော်မှုကိုဦးစားပေးလာကြရာ အယုတ်အညံ့ဆုံး လောကီ ရှုပ်ထွေးပွေလီမှုများ ပေါဝင်ဆက်စပ်လာတော့သည်။ ဘုရားအလောင်းများစွာကို နတ်ဘုရားမများဖြင့် စုံတွဲလိုက်ကိုးကွယ်တတ်အောင် ဘေးမှနေပြီး သွန်သင်ပေးသူတို့မှာ ဟိန္ဒူတန္တြဆရာများပင်ဖြစ်သည်။
အမှန်လျှင် ဗုဒ္ဓအယူဝါဒအရ ဘုရားလောင်းဟူသည် ဘုရားမဖြစ်သေး။ ကိလေသာမကုန်စင်သေး။ ထို့ကြောင့် ကိုးကွယ်ရန်မသင့်မြတ်ဟု ယူဆထားကြသည်။ ဤတွင်လည်း ထေရဝါဒနှင့် မဟာယနကွဲလွဲချက်ကိုလည်း တွေ့နိုင်သည်။
မဟာယန ယုံကြည်ကိုးကွယ်မှုကို နတ်ဘုရားကိုးကွယ်မှုဖြင့် အဆုံးသတ် ထားခြင်းကြောင့် အထင်အမြင်မသေးသင့်ပေ။ မဟာယနတွင်လည်း အခြား ငြင်းမရသော မှန်ကန်သည့် အချက်များ လည်းရှိနေသည်။ ကျင့်စဉ်အားဖြင့် ကွဲလွဲမှုများရှိသော်လည်း ကိလေသာ ကုန်စဉ်ရန် ရည်မှန်းချက် တူညီကြသည်။ အခြားခြားသော တူညီမှုများလည်းရှိနေသည်။
သို့ရာတွင် အနောက်တိုင်းနိုင်ငံသားများသည် ဗုဒ္ဓဘာသာကိုလေ့လာစမ်းစစ်ပြီး မဟာယနသို့ ကူးပြောင်းသူများရှိသကဲ့သို့ ထေရဝါဒသို့ ကူးပြောင်းသူများ လည်းရှိနေသည်ကိုတွေ့သည်။
စာဖတ်သူုတိ့ အနေဖြင့် မိမိတို့ကိုးကွယ်သော ထေရဝါဒ၏ အနှစ်အရသာနှင့် သစ္စာလေးပါးကို ပိုင်းခြားသိမြင်ပြီး မဂ္ဂင်ရှစ်ပါး တရားအားဖြင့် ပွားများကျင့်ကြံကာ နိဗ္ဗာန်လမ်းသို့လျှောက်လှမ်းနိုင်ကြပါစေ။
စာရေးဆရာ ဦးအောင်မြတ်မွန် ရေးသားသော 'နောင်ပွင့်မည့် အရိမေတိယျ ဘုရား' စာအုပ်မှ ကောက်နုတ်၍ ရေးသား ပူဇော် အပ် ပါသည်။
အောင်ခမ်း (ရိုးရာလေး)